الليالي تفـرق بيـن خـل وخليـل

وين هاك البروق اللي عيوني تخيـل ..... خبـروا واحـدن يشفـق عـلـى سيلـهـا

ذا قصيرن عـن الغايـة وهـذا طويـل ..... لـيــت عـيـنـي تخـبـرهـا مراسيـلـهـا

اتنـشـد وراع الـحـب مـثــل الـذلـيـل .... كلمـا شـاف زولـه جــا يـبـاري لـهـا

يبرح الدرب وبسـده شحيحـن بخيـل .... هرجت الشك هرجـه مـا يحالـي لهـا

يا هوى البال قلبي من فراقـك عليـل ... والسهر ضر عينـي منـك عٍـزّي لهـا

لا سقى الله نهار السبت يوم الرحيـل ... يوم قفـت ضعونـه قمـت أراعـي لهـا

عقب مـا نبـي اشوفـه كـل يـوم وليـل ... فـرقـتـنـا الـلـيـالـي فــــي تهـاويـلـهـا

الليـالـي تـفـرق بـيـن خـــل وخـلـيـل .... واهـنــي المـعـافـى مـــن غرابيـلـهـا

يا اتلع الجيد منك الوصل لو هو قليل ... يطرد الهـم عـن روحـن بـرد حيلهـا

التفـت بالعيـون الـلـي هدبـهـا ظلـيـل.... ناظر الحال عقبك ويش يجـري لهـا

يـا حبيبـي تـرى حِمـل المـودة ثقـيـل .... مـن عرفتـك وروحـي شايلـه شيلـهـا

إن شكيت المضرة قيل ويـش الدليـل .... وإن سكـت أرسلـت عينـي هماليلـهـا

للشاعر الكبير احمد الناصر الشايع

مماراق لي

صح لسان شاعرها / احمد الناصر الشايع



سلمت يمينك يا نمران على النقل

تقديري لك

مشكورة همس القصيد على المرور

يعطيك العافيه نمران ومماااقصررت
لاهنت

احمد الناصر غني عن التعريف واختيارك لقصيده على ذوقك الرفيع ,, الف شكر لك واسأل الله ان يشفي ولدك ويلبسه ثوب الصحه والعافيه.....

الله يعطيك العافيه اخوي نمران . والقصيده كانت رائعة............

قصييده رااائعه
الله يعطيك العاافيه ..سلمت اناملك ع النقل لاهنت

هجولة مشكورة على المرور عزيزتي

نصراوي العصر مشكور على المرور ياغالي واشكرك لسؤالك على ولدي جزاك الله خير

الحاضر الاجمل مشكور على المرور ياغالي