جبل بونشاك الفتاك . سفرتي لاندونسيا . قبل اسابيع .

هههههههههههههههههه الشكوى لله غصب نرجع ولا ماودنا
لا ان شاءالله في الفيلا الثانيه اجمل من كذا بكثير ..
ان شااءلله انزل الصور بس الامر يبي
وقت , لانها شغلانه صراحه ..

نسيت اقول شي
سعر الفيلا 650 روبيه تقريبا 300 ريال سعودي
ويعتبر السعر غالي ..

ان شاءالله بكمل بعض الصور
قبل انام ,

عُدنا
طبعاً اليوم السبت .. صحيت بدري بحكم اني نايم
بدري .. وكنت متفق مع السواق قبل انام اني بكرا الصباح
ابغاه يوديني لبحيره ليدو . في آخر الجبل .

المهم جهزت القهوه ..
وتقهويت وجهزت الفطور وافطرت ... ونزلت
اجيب بعض الاغراض ( وطبعا راكب مع دباب ) والسايق
ينتظرني داخل الفيلا :



الطريق كان ماهو بعيد ..
طبعاً كان سعر السايق اقصد المشوار
400الف روبيه يعني بحدود الـ 150 تقريبا ..

وصلنا البحيره
متأخر لان الطريق كان زحمه
سبت واحد اجازتهم فيكون الطريق مغلق
وكذا شغلانه .. المهم تأخرنا بقوه بعد .

وصلنا البحيره
والجو كان غيووووم ..
جدا جدا ..



هذي القوارب ..
اخترت الأوسط بحكم ان فيه لون قريب من الاصفر
وتوكلت ع الله



طبعاً هالادامي ذا مسوي يحب ويسرح مع نفسه وكذا
اسمه اياد يعني مسمي نفسه اياد
عليه ربطه الزعيق الله ياخذه وطول الوقت
ياولد ارجفه لا لا ماله داعي , يابن الحلال اغديك
مطيحه بوسط البحيره بس , لا لا اعقل
لكن الحمدلله في الاخير فكيت الربطه
وحذفتها وطلع مايعرف عربي
اساسا بس كذا حاطها
معطيه اياه واحد في المطار الظاهر مالكم في الطويله
المهم اني فكيتها من يده وفهمته ان الزعيق
فريق فاشل وقبل لا اجي فايز اصفهان
عليه وطلع من الاسيويه ووده
يروح للعالميه وطلعت العالميه صعبه قويه




هذي البحيره وبعض الصور لها ..



برضو نفس الحكايه صور للبحيره ..



اخر الصوره يسار هذا المطعم البحري
واللي يمين هذي محميات تربيه اسماك وكثيره بقوه
طبعا المطعم عنده خدمه تطلب الغداء بوسط
قارب ويجدفون 4 قدام بشويش
لحد ماتخلص الأكل .

المطعم بحري تاخذ السمك من البحيره
وتختار اللي تبي , وتبي مشوي مقلي عاد مزاجك
مع ( الرز حقهم كرم الله النعمه ) طبعا انا
مانصح فيه ابد لان اكلهم كله يلوع
التسبد وبقوه بعد ..
انا نزلت اصلي بس في المصلى
واتمغط شوي ورجعت ع طول شوفو الجو
بدايه ( هطول الامطار بغزاره )



صليت وخلصت , ورجعت للقارب خلاص
برجع وبطلع من البحيره , نزل مطر بقوه بقوه بقوه
قوي بشكل مخيف وصواعق وتعرفون انا
ماتهمني الصواعق ابدا ابدا ^_^
انا اذكر اني مصور
وانا في القارب بس الظاهر انها ضربت
صاعقه ولا شي , وضغطت اغلاق بدل تصوير
وانا طالع من البحيره بركب السياره
اخذت هالصوره ذي بوقت
المطر ..



هذي الصوره الاخيره
وانا طالع للسياره , لكن فعلا كان امطار
بقوه مخيفه .. لكن الحمدلله ماصار
شي ولا شي .. حتى السياره الشيروكي كان لونها
بيج بس من قـوه المطر صار لونها احمر < نصاب


انتهى يوم السبت
بروحتي لبحيره ليدو , ورجعت للفيلا
جهزت غداء عشا بنفس الوقت , وجلست لين
جاء موعد النوم ونمت .. لان بكرا
بروح للشلالات السبع .
وان شاءلله اعطيكم بعض الصور حقات
الشلالات ..



طبعاً
للي يبي يستفيد وعنده نيه روحه مثل ابوي
نصراوي . بكتب عن بعض الامور ..

بحيره ليدو
هذي شي هامشي مو ضروري الروحه
لها , يعني عاديه جدا , هي طريقتها تاخذ قارب
لمده ساعه يمشي ببطئ يلف فيك في البحيره ويرجعك
والقارب ياخذ عدد كبير من الاشخاص مافي
مشكله سعره تقريبا 400 الى 300
الف روبيه يعني من الـ 100 ريال وفوق ..
وهي مره عاديه لكن تغير جو مثل
ماتقولون ...

يعني مطعم سيئ جدا
القارب كأنك راكب سلحفاه ..
المناظر عاديه ماتشدك ..
اللي حلاّها بس المطر القوي لا اكثر ..


تصبحون ع خير
النوم غلاب ان شاءالله بكرا
عن الشلالات السبع .

هل هناك متابعون معي ؟؟؟
او اني اهمق
ع نفسي ؟

ماشاء الله وربي سفره روووعه ,,شوقتا لاطول نزل الباقي بسررعه خيووو>>عايشه جوالاخت..
اوما تعليقاتك معطيه الموضوع رووعه ورونق خااص ..

ههههههههههه وش ذا الدلع يابو ابراهيم وش رايك تنقز معي في شهر اربعة ان شاء الله هيضتني الله يغربل ابليسك لابس شورت السباحة من الحين بانتظار شهر اربعة

لولي الله يعطيك الف عافيه يالغاليه ع المتابعه ..
ومتابعتك تجبرني اني اختار افضل الصور واجملها لانك
من صاحبات الذوق الرفيع ..


ابو غازي
توك ماشفت شي لو تشوف صور الفيلا
الجايه ان شاءالله تبي تقدم السفره بدل 4 تخليها اخر شهر
12 صدقني باقي بجعبتي الكثير والكثير
ولازلت لم ابح بكـامل الاسرار
مازال مازال

وش ذا الموضوع النادر من نوعه
وِمن مَن اخووي كوره بالقائم
قصه حقيقيه وبالصور كمان
سفرات وققص وحكايا وحركات أيه ده كله ياخووي
ماشاء الله عليك حاكي الموضوع وبالتفصيل كمااااان ههه


خيااااااااااااااااااال وش هذا بأندونيسا
يالله معاك كمل كمل قصتك ؟؟؟ لاتبطي تراني أكره الأعلانات ههه داخله ومتحمسه

مثل مـاقآل الشـآعر :
كلن معه محبوبه , يبـادله مطلوبه .. ( ايام عيسى ) ..
المهم .. نكمّل لكم .. ماوقفنا عليه ..


آخر شي وقفت عنـده
انو بروح اليوم للشلالات السـبع .. والطويله والشاقه جداً
جداً جداً جداً . المهم يوم الأحد .. صحيت بدري
ومتفق مع السايق برضو نفس اللي وصلني
لـ بُحيره ليدو . ان بكرا بيكون للشلالات السبع . لكن لازم
اروح بدري لأن كل شلال يبي له وين كم ساعه حتى توصله ع رجولك
ومسـافه طويله .. جداً تمشي ع رجولك .. بحكم اني نايم
بدري بعد مارجعت من البحيره .. برضو صحيت بدري
وافطرت وسبحت بالمسبح < فرح وتقهويت
وكل شي سويته ونزلت آخذ فوآكه
وجبت بعد بعض الاغراض , المكمله لي .. المهم السايق
وصل لي .. توكلنا ع الله ..





طبعاً هذا المدخل .. حق الشلالات ..
ومكآنها , بنفس الجبل بونشـآك بس بآخره كذا .. ومثل ماقلت
لكم ان المشكله ان السبت والأحد يكون الجبل مزحوم
لأنه اجازه عندهم وحقين العاصمه جاكرتا
معظهم يجوون للجبل في الاجازه ..





هذا مـدخل الشلالات ..
طبعاً في بدايه المدخل في محلات يبيعون فيها
كُل شي .. وفيه جلسات آكل وشرب .. وملابس واللي تبيه ..
وفيه مُرشـدين .. يودنك شلآل شلآل .. ويدلونك
الطريق .. بعدين تطلع للشلالات .. كل شلال
بجهه .. وبعيد عن الثاني كثير ..

والطريق للشلالات
كأنك بوسط غابه , كلها اشجاع خضراء ..
وتطلع فوق وتنزل وتطلع منا وتجي منآك يعني اللياقه
مثلي .. واللي جسمه ريآضي يروح بس
اما اللي راعي دخان مو مثلي ولا
شيشه موب انا ماينفع
يروح الا شلال واحد ويخب عليه وبيرجع بعد ..

انا اقسم بالله ماقدرت امشي
خلاص وقفت , فرحت لشلال الأول اقرب شلال
سمعت صوته , بعدين رحت للثاني وسبحت فيه وشربت
منه , وخلاص ماقدرت اكمل رجعت ..

لدرجه ان فيه شلال
تمشي له 3 ساعات , والمشي ترا فوق حصى
وتنزل من حصى , وتدخل طين , شغلانه
يعني .. يعني لازم واحد رياضي
ويتحمل مثلي بالزبط :biggrin:







طبعاً . مشيت مشي خُرافي للشلال الثاني .. وكل شوي
واقف اتنفس .. وارتآح .. يعني تعبت بـقوه
طبعاً امشي ع الصوت انا .. بلا مرشد
بلا هم .. المهم يوم وصلته ..

واحط الملابس ع جهه ..
واجلس تحتـه .. هالصوره اللي فوق ذي
استعداد للدخول تحت الشلال ..












هذي تحت الشلآل ..
وطمسنا الخشه حتى ماحد يقول ( ترز خشتك ) ومن هالقبيل :wink:
طبعاً الشلآل .. ذا قوي .. بقوه .. بقوه .. وثالج
ثلج ثلج ثلج . وانا ضارب مسافه له
وعطشآن . وبالكاد اتنفس .

فنزلت تحته والله اني اصارخ من البروده وفاج
خشتي 4 كيلو .. ماقدرت اسكرهآ . لانه قوي وبنفس
الوقت ثالج .. لكن شربت منه لين قلت بس
وبعد ماخلصت .. نسيت التعب
كله صرآحه .. والله ماحس بشي .. نزلت
من الشلآل وانا نآزل . ضرب المطر ضرباً شديداً ..
وحصت كُشك بالطريق وانا نازل , وقفت تحته واخذت شاي
لين خف المطر شوي بس مو قوه شوي .. ونزلت
لاني احب امشي بالمطر تخبرون متعود
ع الأمطـار وكذا في السعوديه
مايضر يعني امشي بالمطر



الصور قليله في الشلآل
لأن مو وقت تصوير صرآحه ابداً الأبدين ..
لاني تعبان , وحالتي حاله . ماقدر افتح الكام واوقف احد
ولا لي خلق حتى اصور .. وصورت فيديو كثير
بس الفيديو مايشغل مدري ليه ..


عموماً
رجعت للفيلا ..
مافيني الا العافيه .. ويوم وصلت
شفت المطر , ولبسي كله مويه كملتها في المسبح
بوسط الأمطـار ..

بعد ماطلعت
ياولد ابمشي . ماقدر . بطلع السلم ماقدر
صفـآقي . ماقدر ابدا ابدا منه ..


امس في الليل
كانت تجيني عجوز تقولي تبغى مساج ..
اشوف وجها اقول لا .. مابي شي الله يوفقك امشي ..


بعد مارجعت للفيلا
من الشلآل وبعد السباحه وجاني صفاقي
جآت لي , قالت اخي تبي مسـآج . واشوف وجهآ
لا مابي .. يوم دخلت الفيلا شفت اني خلآص
ماقدر اتحرك قلت لها .. مع الشباك
معك العده حقتك قالت ايه قلت
تعآلي اجل .. شوفي
لي حل .


وجت والله العظيم اني حاط المخده ع خشتي
مابي اشوف خشتها .. عجوز مره . وكل شوي تكح ..
قسم بالله اني خفت تموت 283):


لكن الحمدلله
بعد ماخلصت , فكت كل العقد اللي بالصفآق ..
وطلعت عقد من البرد ..



فتكم بعآفيه .
وان شاءالله بكراً حديقه الزهـور ..
الجذآبه مع الموسيقى الكلاسيكيه !


مثل ماقآل القحطاني اهداء خاص

رخيم صوته بهرجـه كأنه يـغنـي
اخذت مـوته عساني مانحرم منـه !!

[ رحله ممتعه والوصف آسرني كما لوكنت أنا بالرحله ^_^ ]
شكرا إلك خيوه ,, ودمت بسعاده

مافيه فرق أجوائهم عنا في السعوديه ولاحنا احلى>>منقهره من المناظر الخوووقاق
كل مره تحلو الرحله اكثر,,
خيوكوره بنتظااااارك,,
متاابعه..

هههه ما شاء الله مشرفنا الغالي قاعد يبدع في بوابة اندونيسيا
بداية توحي بالإثارة
وتقرير سردي جميل شوقتني نزورها
بس يالله همتك رونا اللي عندك وأقنعنا زود بزيارتها بالعطله الجايه


خياااااااااااااااااااااااااااال تسلم أتحفنا بعد باللي عندك وسلم لنا عالعجوز لما تلقاهامرة ثانيه هههه