هملتني / للحزن / والعبره

هملتني / للحزن / والعبره / وليلي / لطيوف !!
وخليتني ما بين لوعات .. (الهموم الاربعه )





حزن ٍ / غدا طابع حياتي كل ما اغمض واشوف
مدري هو اللي كان يتبعني أو اني اتبعه !!




وليل ٍ / بدونك .. ظلمته (غربه) ولحظاته (سيوف)
تقطع جدار الصمت .. في صدري وتمسي بضلعه





وطيف ٍ / يداعب خاطري حتى وانا بين الضيوف
ومن قال وش بك يا ولد .. سرحااان .. ازريت اقنعه




وش باتعذر به!! وانا مابين هم .. وبين خوف
وشوق .. يغايض قلبي المجروح حتى ينزعه




لو انها بالزين .. كان الزين من غيرك الووف
المشكله .. ( حب العمى ) .. يا جعل ربي يقلعه




ان ابتعدت آموت هم .. وكل ما جي لك شغوف
كنك تعمد ( ضيقة الخاطر ) .. ولو فيها سعه !!




اواه يا قلب ٍ تركته لك !! على بيض الكفوف
واللي مهو يصدق !! على كفك يلاقي مصرعه




تشوفني وتصد مني.. لا !! ولا كنك تشوف !!
تقدر على وصلي واحسك قدك ناوي تقطعه




تقول صبرك !! والصبر ليته يبرد حر جوف
اسهر ليالي البعد .. لين الفجر .. يبلج مطلعه !!




(( غيابك القاسي .. وباقي لهفتي واقسى الظروف
ما غيرت قلب .. ما هو يبغي تكون .. إلا معه ))




إن كان ربي كاتبك لي .. فأنت لي .. رغم الانوف
واذا القدر ما عاد ردك .. يستحيل ان امنعه !!




انت .. ومشيت وما عرف وشهي نهاية ذاالضروف
وصوتك/ ما انا بداري .. هو ربي كاتب ٍ لي اسمعه




لا قدك ناوي ترحل وتقفي معا بيض القنوف !!
قلب ٍ خذيته من صدر راعيه .. تكفى رجعه !!

مشكوووووور والله يعطيك الف عافيه

تسلم يمينك على الاختيار الرااقي
تحياتي لك

شـــــكــــــــرا يـــــــــــــــا الــــــــــــــغــــــــــــــلا


يــعــطــيــك الــــف عــــــافـــــــــيــــــــــة


لك كل الاحترام والتقدير والود


فــيـــصــل

لا قدك ناوي ترحل وتقفي معا بيض القنوف !!
قلب ٍ خذيته من صدر راعيه .. تكفى رجعه !!

ابيــــــــات رائعه ..

راقت لي حييــــــل ..تسلم على الانتقاء الرااقي

كل الشكر لك..

يعطيك العافيه
طرح رائع
تسلم اناملك على الطرح الجميل
لك ودي واحترامي

تسلممممملي يالغاالي على طرررحك الرااائع ..