سهيت يم الريـــــــــاض اللي لخلي برضها مسكن وبيـت

ما بين قلبي والحظور في مجلسي لحظــــة سهيت
هي لحظة (ن) بس المشاعر أوصلتني للبعيـــــــد


يم الريـــــــــاض اللي لخلي برضها مسكن وبيـت
فــدوة عساني لرضها وافديــه ذاك اللي بعيـــــــد


أسبق خطاوي خافقي واسرع من أنفاسـي مشيــت
وعد(ن) وعدته باللقـــــا وف موعدي بوفي أكيــد


طقّيت بابه.. قبل اطق .. شي(ن) جذبني وانتشيت
عطره ملا ذاك المكان حتى بشذى عطره فـــريد


ضمت عيونـــــه لهفتي .. كـــل الدفا بيده لقيـــت
يا مرحبـــا بك يا هلا ويا عسى عيــــــــدك سعيد


قلت السعادة بشوفتك لولا غلاتك ما عنيــــــــت
جيتك على ظهر المشاعر صادق احساسك أريد


شوقه يقهويني وانا شوقي سكبته ثم سقيــــــــت
هو ما ارتوى شوقي وأنا من شوقه أطلبــه المزيد


ضحك وسمر وأعذب سوالف وأجمل أوقاتي قضيت
ما بين جدّه والهزل .. ما بين شعره والقصيــــد


لين اقترب وقت الرحيل وســـلّ سيفه وانحنيــت
سيف الوداع اللي ذبحني من وريدي للوريـــــد


قلت الوداع ويعلم الله للمفــارق ما نويـــــــــت
ردّ وعذابه في جوابه الوعد عيد(ن) جديــــــد


نادوا ( ــ ــ ــ ــ ــ ) والتفت .. وبذكرهم اسمي وعيت
قالوا دموعك والكحل ســــــــال وتراه اليوم عيــد


أثري وأنا في مجلسي من دون ما أشعــر بكيـــت
قلت اسمحولي وآترخص والوعد عيــد(ن)جديد

يعطيك العاافيه ابيات رائعه لاعدمناك يالغلا^^

ثااانكس على هيك مرور لاعدمت طلتكم

ليالي الرياض للمحبوبي طيبي
أمانه نور عيني ياليالي
اااااه مأرق الرياض لبا الريااااااااض
تسلم يمينك يامبدعه
على هيك قصيدة روعه
تحياتي لك

يسلمو حبيبتي فديت الرياض انا

كلمات جميله ,, وتترنم في الآذان ..

الله يعطيك العافيه ..

الف شكر لك على النقل الرائع ولاهنت......