لا تسألون القلب

بسم الله الرحمن الرحيم

مساؤكم كجمال قلوبكم
طبعاً الكل أدلى بدلوه .. و ما بأجي شيء عند شعراءنا .. بس قلت أحط اللي عندي ..


لا تسألون القلب يا ناس وش فيه
لأن الجواب بيقطع آخر عروقه

خلّوه يشره في زمان التشاريه
عاللي نسوا حبه و اللي هجروا شوقه

تايه و لا ينلام من جرّب التيه
يدخل مع جوّه و يضيّع طروقه

إحساس مرهف مير عيبه تِغلّيه
ضيّعت ما دون العقل ي قلب من قبل فوقه

وش حيلة القلب يوم ان الاسى يحويه
و وش حيلة عيونٍ من الدمع مخنوقه

كلما طال بعده قلت أبا أحتريه
يمكن يطفّي بصوته جروح محروقه

آخر كلامي له يوم أنشده ليه
و آخر كلامه لي من طيب منطوقه

درب المحبّة عذاب و اليا نشدوا ليه
قول الجواب متخبّي بقلوب مسروقه


هي تجربة بسيطة حبيت أشارك بها
تهمني انتقاداتكم

الله الله سلطان
والله طلعت شاعر وما تقول
عن جد روووووووووعه
انا ما افهم في القوافي وهييك
ولكن كششعر راقت لي حييييييييل وبقوه بعد
وينك من اول
ماشاء الله كثروا شعراء المنتدى
شدوا حيلكم انت ونصراوي العصر وضامي بطوله وجوجل
نبي نششوف ابداعاتكم
لا تحرمنا هالحسس الجمييييييييل

حياك الله يا ذوق
و مشكورة على كلامك
ما أستاهله ^__^
بس من طيبك
أهلاً
لا عدمنا الطلة

ابدااااع
ابدااااع
تسلم يمينكك شاعرنا والله يعطيكك الف عاافيه

بإنتظار جديد قلمكك

عاد انتقاد صعب والله
عجبني ان فيه فكره واضحه للقصيده .. ماشاء الله وهذه تجربه طلعت الفكره كذا
احب النوعيه اللى تكون واضحه بس مافيها تجريح وشتم يعني وصف التجربه بسلاسه

صح لسانك وان شاء الله لشعراء الوفاء وقفه معها في التعديل و الانتقاد

يعطيك العافيه

المشاركة الأصلية كتبت بواسطة بنت*النصر

ابدااااع
ابدااااع
تسلم يمينكك شاعرنا والله يعطيكك الف عاافيه

بإنتظار جديد قلمكك

الله يسمك الإبداع مرورك الجميل
حياك ربي و ألف شكر بنت النصر
^__^

المشاركة الأصلية كتبت بواسطة عاشقه فارس نجد

عاد انتقاد صعب والله
عجبني ان فيه فكره واضحه للقصيده .. ماشاء الله وهذه تجربه طلعت الفكره كذا
احب النوعيه اللى تكون واضحه بس مافيها تجريح وشتم يعني وصف التجربه بسلاسه

صح لسانك وان شاء الله لشعراء الوفاء وقفه معها في التعديل و الانتقاد

يعطيك العافيه

تسلمين عالكلام الطيب
أكيد ما بيقصرون شعراءنا
صح بدنك و ألف شكر عاشقة
^_^

تجربه مميزه وتشكر عليها اخوي سلطان..النقد اذا تسمح لي:-
االبيت الاول والثاني والثالث جماليه منقطعه النظير وكنت اتمنى انك تستمر على نفس الجماليه اما الابيات من الرابع
الى السادس فقد كانت تحتاج للكثير من اعادة النظر...
اما عن البيتين الاخيره فتعديل بسيط وطفيف يجعلها في نفس قوة الابيات الثلاث الاولى فلو كانت على النحو التالي:
اخر كلامي له يوم انشده ليه£واخر كلامه لي من طيب ذوقه
درب المحبه عذب واليا نشدو ليه£قول الخبر عند القلوب العشوقه...
لكانت على قدر عالي من الجماليه اللي تتمع بها ذائقتك الجميله على العموم صح الله لسانك وآسف على التجريح ان حصل واتمنى لك دوااام التوفيق...

المشاركة الأصلية كتبت بواسطة نصراوي العصر

تجربه مميزه وتشكر عليها اخوي سلطان..النقد اذا تسمح لي:-
االبيت الاول والثاني والثالث جماليه منقطعه النظير وكنت اتمنى انك تستمر على نفس الجماليه اما الابيات من الرابع
الى السادس فقد كانت تحتاج للكثير من اعادة النظر...
اما عن البيتين الاخيره فتعديل بسيط وطفيف يجعلها في نفس قوة الابيات الثلاث الاولى فلو كانت على النحو التالي:
اخر كلامي له يوم انشده ليه£واخر كلامه لي من طيب ذوقه
درب المحبه عذب واليا نشدو ليه£قول الخبر عند القلوب العشوقه...
لكانت على قدر عالي من الجماليه اللي تتمع بها ذائقتك الجميله على العموم صح الله لسانك وآسف على التجريح ان حصل واتمنى لك دوااام التوفيق...

أهلاً بشاعرنا
نقدك عالعين و الراس
و منكم نستفيد طال عمرك
أسعدتني بكلامك و ملاحظاتك
إن شاء الله يكون القادم أجمل
ألف شكر لك عزيزي
^__^

الله الله يا سلطان
شو الابداع هيدا كوله
هههههههههههههههههه

مبدع يا سلطان لا جديد
عرفتن ولا باقي ؟؟ هههههههه
بالتوفيق سلطان

ماقصرت مشرفنا المميز
ابيات راائعه من وصح لسانك
وانتظرجديدك بكل شووق
يعطيك العافيه