تكفوووون ياجماهير العالمي اللي عنده فيتامين واو يكلمني ...

السلام عليكم ورحمة الله وبركاته


انا شخص لا أُجيد المقدمات


أبي أدخل في صلب الموضوع ................


عندي اخوي عمره 23 سنه كلمه مسؤل في نادي الرائد الأولمبي وتمرن معهم في المعسكر


الذي أُقيم في المنطقة الشرقية في الدمام وأُعجب فيه مدرب الفريق الأولمبي السعودي لا يحضرني


إسمه الأن المهم تمرن مرتين ولعب في التمرين الثالث أخر 15 دقيقه من المباراة


وسجل هدف وصنع هدف ولعب كورة هوائية مقصية وقام مع اللعبة المقصية كل من كان يجلس


على دكة بدلاء نادي الرائد الأولمبي وبعد المباراة كلمه المدرب هو ومعه لاعب ثاني وقال لهم


معنا مباراة ضد نادي الهلال الأولمبي ولكن أخوي إعتذر عن الحضور بسبب ظروف والدتي الصحية


التي كانت ترقد في مستشفى الملك فيصل التخصصي لعمل عملية قلب مفتوح وتغيير ثلاثة شرايين


المهم قال له المدرب خلاص تعال لي في القصيم في أقرب فرصة وبصراحة انا منعته من الذهاب


الى القصيم لسببين أنهم يُريدونه أن يلعب في الأولمبي ويلعب سنه بدون مقابل يعني مجاناً


وقلت ليش ماأنزل موضوع عن أخوي خالد في منتدانا الشامخ الغالي ويمكن الله يكتب له


الخير في وجيه الخير العالميين ويُصبح لاعب النصر الأول وهدافه ...


للمعلومية : أخوي مركزه هجوم وعنده ثلاثة كؤوس هداف وجائزة أحسن لاعب في حواري


محافظة حفرالباطن والجائزة تسلمها في رمضان عام 1434هـ يعني من قبل شهر وكم يوم


تكفووووووون ياعالميين اذا تعرفون أحد في النادي كلموني مابي مستقبل أخوي يروح لنادي لا


يُقدر قيمة اللاعب وانا والله لو ماني شايف أخوي يستاهل مانزلت عنه هالموضوع في منتدانا


والله العظيم أقدر أخلي أخوي يلعب للرائد ومستعد انا أصرف عليه الى ان تنتهي السنه وبعدها


يوقع رسمي وبعقد ولكن يحز في خاطري انه يلعب للرائد أو اي نادي ثاني قبل أن يلعب لفريقي


العالمي .........


أخوي اللي في الصورة الرمزية حقتي حاولت انزل له صورة


توقيع او انزلها مع الموضوع ولكني عجزت


أدري طولت عليكم ولكن كله ع شان إني ابيه يلعب في العالمي ومايلعب في فريق ثاني


تكفون أبي تفاعل مع موضوعي وإهتمام من قبلكم

ماشاء الله تبارك الله ..


شووف اخووي ضاري ..

اخوك لسى صغير الله يطول بعمرك وبعمره ان شاء الله ..


انا اشوف تسوي له cv خاص فيه .. يعني اهداف ملخصات وتعرضها على الاندية ..


واذا شافوة الاندية اكيد راح تطلب تجريبه .. ان نجح وقعت معه عقد يكون بشروطك وشروطهم بالاتفاق بينكم ..


المهم اخووي ان لاتقف حجر عثره في وجه طموح اخووك .. مو شرط لازم يكون في فريق كبير .. اغلب النجوم بداو من فرق صغيره ومن حواري واصبحو نجوم .. وعلى سبيل المثال لاللحصر اللاعب الاماراتي (عموري ) .. لاعب العين اللذي انطلق من حواري المدينه المنوره .. والان مطلوب بالملايين ..


وماتشووف شر الوالده ..

ويطول بعمرك اخوي عايد

الله يكتب اللي فيه الخير ان شاء الله ويارب يفتحها في وجهه

إنتمائي وعشقي وحبي للعالمي هو اللي أجبرني اسوي كذا

بس شورتك وهداية الله اخوي عايد ابي احاول اجمع له مقاطع واسوي له cv

والله يوفقه ويوفق الجميع

الشر مايجيك ان شاء الله

زي ماقلت لك اخووي ضاري .. مو شرط يلعب في فريق كبير .. اغلب النجوم العالميين بدأو من الحواري ..

الله يوفقكم يارب .. تقبل مروري

الله يوفق اخوك وان شاء الله يكون من ضمن الكتيبة النصراوية فى قادم الآيام
يعطيك العافية

الله يوفقه وانشالله نشوفه لاعب اساسي بالعالمي

بالتوفيق إن شاء الله لـ اخوك يالطيب

فالبداية ما تشوف شر الوالدة ان شاء الله... و عساها عالقوة و الله يخليها لكم

ثانيا بالنسبة لموضوعك... أتمنى منك التواصل مع العمراني و فايز المعجل عن طريق تويتر و اذا لم تفلح المحاولات تواصل مع بعض الاعلاميين النصراويين القريبين من الفئات السنية... و ان شاء الله العمراني و المعجل ما يقصرون معاك

الله يوفقكم يارب .. تقبل مروري

الله يعطيكم العافيه ع مروركم الرائع

تسلمون على التفاعل لموضوعي

ان شاء الله يكون من ضمن التشكيلة الاساسية في العالمي

ملاحظه /: البارح خليته يمشي للقصيم ع شان يلحق ع كأس الامير فيصل

وإن شاء الله يقدم مستوى ويشوفونه اعضاء الشرف النصراوي والاعلاميين النصراويين

ويكتب له الخير ع يد أحدهم ....