تغيب الناس عن عيني ....

تغيب الناس عن عيني وشخصك يالغلا ماغاب
اشوفك وين ما امشي وطيفك ساكن ابعيني

احبك والمحبه جت من الله ومالها اسباب
لقيتك تجري في دمي وتسكن في شراييني

وانا من كثر ما اغليك ابا البس من غلاك اثياب
واكحل ناظري ابشوفك ياطيفن ما يخليني

ابا اقهر كل عذالي عسى الله لا يجيب اغياب
واشوفك دوم في قربي احاكيك وتحاكيني

وابا اسكن في نظر عينك وابيك اتضمني باهداب
وابي كل ما شكيت الهم في بعدك تواسيني

وابي لو شانت الدنيا ابي نحيا ونموت احباب
وابي كل ما توله ناظرك تكفى تناديني

حبيبي لو تباعدنا ابا اصبر والقلوب اقراب
وانا في داخلك ساكن اذا ما قلتلي ويني

فديتك يابعد كل البشر والناس والاصحاب
فديتك يللي في قربك احس الدنيا بايديني

مماراق لي ....

سلمت وسلمت اناملك الذهبيه طرح رائع ننتظرجديدك

احبك والمحبه جت من الله ومالها اسباب
لقيتك تجري في دمي وتسكن في شراييني

ابيــــات رائعه

صح لسان قايلها وتسلم على الانتقاء المميز

وااصل ابدااعكـ ..كل الشكر لك