عداد القلب ..

ياليتني حطيت للقلب عداد
يطبع فواتير الغلا والمودة
من شاني لاجاني من الناس نشاد
اسحب له برنت الغرام ويسدة
احيان اهني صاحب المال بالمال
واحيان اهني صاحب الفقر فقرة
احيان اكشخ والبس شماغ وعقال
واحيان اسير ولاعلى الراس غترة
الناس فيهم هم ياطيب الفال
خذ لك من ايامك وانا خوك عبرة
ترى اختلاف الحال حال بعد حال
يعطيك فالدنيا مع الناس خبرة
كم عاش فالدنيا فقير من المال
والناس تدعيلة حتى بقبرة
وكم ولد لاش عاش في بارد ظلال
مافاد شي ومات زولة وذكرة
والوقت نفسة ماتغير ولازال
يوم سنة والشهر هو نفس شهرة
بس البلاء بنفوسنا صابها هبال
نركض ورا الدنيا على غير دبرة
بعنا الصبر من شان تحقيق الامال
واثر الامل مربوط في طول صبرة
ومجملات الهرج قلنا وذا قال
في رجل مايسوى لتعظيم قدرة
ماكل منهو يلبس البشت رجال
يبرك ويشتال الثقيلة بظهرة
ياهية ياللي غرك الوقت تختال
كل يعيس بحسب راية وفكرة
كتبتها من طيب مدري من هبال
وقفلتها يوم القلم جف حبرة
مما راقت لي .. وبكل اسف
لايحضرني اسم
الشاعر
ابويزيد

انشهد انها ابيات جزله

اختيارك بطل يعطيك العافيه

الامير العذب شرفت ونورت يالغالي
اطلالتك تسعد قلب اخوك .. واسعدني كذلك ان
متصفحي وطرحي
نال استحسان ذائقتك التي لاتقبل
الا بماهوا جزل
ابويزيد

مرا نايس

يسلمو ذوق حيلات

الغالية حلاااي شرفتي متصفح عمووو
مجرد مرورك بحد ذاتة مصدر سعادة لخافقي
ربي يسعدك دوم