جماهير النصر سبب في تدهور اخلاق لاعبينه

اخوي ضامي بطولة اتمنى ان لا يؤخذ الموضع ابعاد غير النقاش اللي احنا فيه
اخوي ملاكم سابق شكلك ناوي ترجع للملاكمه( امزح معاك ) بس هدي وانا اخوك انت ما عرفت اخونا ضامي بطوله صاحب القلم المميز صدقني مع الوقت راح تعرفه اكثر وتغير وجهة نظرك اتمنى ان لا ياخذ الموضوع اكبر من حجمه

وكلكم الاثنين غالين علينا بالمنتدى واخوان وانا صاحب الخطأ وامسحوها بوجهي

ولا ترى بطالبكم بحق الاثنين ههههههههه

بعيد عن الاختلاف لكم حق الاحترام كبير وصغير
ايا كان ،واللي يجمعنا اكبر من الكورة كأخوان
انا يابندر يابعد راسي انت. قاعد اتكلم عن فكر
ما حقرت ادمي ولاني بأحسن منه
جيت هنا اشارك بصوتي مع ناس لي معاهم ميول مشترك
والصولات والجولات في ميدان الحياه مو بمنتدى
سيبقى اخ مهما اختلفنا
اكيد بتفق معاه بشغلات
بهالموظوع انا عند رايي
تحياتي

اخوي بندر الشمري
ماصار غير الطيب ولله الحمد .. وانا مدين لك باعتذار
وحقك على راسي من فوق ونخوك لان ماحدث والله
لايرضيني .. كان الامر اختلاف وجهات نظر ثم تطور
الامر الى ماتشاهد .. عموم اشكر لك اريحية اخلاقك
وسمو ادبك واجدني عاجز عن الشكر عن ماتحدثت بــــه
عن شخصي .. وهذا انعكاس بكل تأكيد لماتحمله من معدن
واصل طيب ايه الاخ العزيز .. اما الاخ ملاكم سابق
فالله يستر منه خخخخ اساس النك يخوف واذا رجع للملاكمه
على حسابي بتكون علوم .. الوكاد الضربه القاضيـــــــــه
بتكون من اول الثواني ويحطم رقم قياسي ههههههههه
الله لايجيب الشر .. تبقى الامور مهما بلغت من حده
في نطاق اختلاف وجهات النظر ولاااجد في نفسي ولله
الحمد غير التقدير والاحترام لكافة الاخوه مهما بلغ فينا
حدة التوتر .. نبقى اخوان تجمعنا روابط المحبه بالدين
والوطن والعشق ... ويعلم الله انه لمن دواعي سروري
ان اشاهد المحبه تسود الجميع .. ولكن احيان الانسان
ربما يحدث منه بعض التوتر .. فعذرا لكل من يتابع
هذا النقاش .. ولربما ضرة نافعه فالمنتدى ومنذ فتره
لم يشاهد مثل هذا الاخذ والرد خخخخخخخخخخخخخخ
تحيتي لكم جميع مع امنياتي الصادقه
بأن يكون موسمنا الحالي موسم فرح لكافة عشاق العالمي
لنجتمع على مائدة الفرح بعيدا عن لغة العتب
دمتم بخير وعافيه وراحة بال
ضامي بطوله

حياك الله اخوي ضامي بطوله وهذا العشم والله وانا متوسم فيك وفي الملاكم الخير لكن عطونا موعد لكم الاثنين في اقرب وقت على اقرب حلبه ههههه

اخوي ضامي بطوله هذي من شيم اخلاقك واخونا الملاكم فيه من شيم الاخلاق والحمدلله على كل حال محبة النصر تجمعكم ما تفرقكم باذن الله