سجل حضورك ..... بأبيات تعجبك

النـفــس طـابـت والكرامه كرامه

ومن عافته نفسي حشا مالتفت فيه


قلـبــگ وروحـگ رافقتهـا السلامه




وكـلـن عـلـى كـيـفـه ونـفـسـه تـوديـه

كل ما ضاقـت مساليـك الحياة

مالـقيت اطيب من علاج السجـود


ٰيالله اجعلنا من اصحاب الصلاة




قبل تجعلنا من اصحاب اللحود

كنز القناعه فـ النفـوس الغنيّـه

واللـي تجـزّع ما يفيـده صياحـه


ٰيجيك شـيّ ما حسبـت لـ مجيّـه




ويروح شيٍٍّ ما حسبت لـ مراحـه

تدري وش اللي بالخلايق : يمشيك

ويحط لك بالناس ( قيمة ) و شيمة


طيبك وأخلاقك و صادق : مباديك




ونفسٍ ( بشوشه ) بالتعامل حشيمة

ياكثر ناسٍ مايغيرها الصيام

طول السنة وقلوبهم بـ امراضها


تصوم فـ الواقع عن الماء و الطعام


وتفطر على لحوم البشر واعراضها

ستر المواجع داخل القلب راحه

لو يمتلي صدري بها ماتكلمت



ماهو جديد القلب يخفي جراحه


ولاهو غريب الضحك مهما تألمت.؟

استر عيوب الناس وتعيش مستور




الله خلق و الله عن : الناس داري

لاشفت عيب الغير جنب عن الدور




غض .. النظر عنه ولا تجيب طاري

فيك الرجاوي يا إلهي ما تخيب

أنت الستر يا خالقي وانت الذرا




اغفر ذنوبي كلها عن ظهر غيب




عني ، وعن والديني ، واللي قرا

{ثنتين} يعطنّگ معزھ ، ۆتقدير

{دينگ ۆ فعل ٱلبر في ۆٱلدينگ}


ۆثنتين لۆطٱل ٱلزمن مٱبھن خير




ھرج ٱلقفٱ/ۆمجٱملۃ من يھينگ

يالله في صبحـك لنا تكتب آلخيـر

واعـوذ بك شـر آلنفـوس وجهلهآ


ياكافل رزق البشر مشبع آلطيـر




اغفـر لنفـس قصـرت في عملهآ