جبل بونشاك الفتاك . سفرتي لاندونسيا . قبل اسابيع .

الحمد لله على السلامة

اخيراا عرفت . للأمور .. ثلاث ساعات وانا احمل وانزل
واركب واحذف .. في الاخير زبط الجهاز .. الحمدلله
وعرفت لبعض الامور وباقي البعض مع الـوقت
ان شـاء الله ..


المهم اليوم الخميس
صحيت متأخر لاني امس بعد السباحه في البحر والمسافه
وتأخرت مانمت حتى .. احس بتعب شوي وابي ارتاح مابي اطلع لمكان ..
المهم صار العصر .. في مزارع في الجبل .. مزارع شاي وموز ومزارع خُضار وكل شي ..
فـ اخترت اروح لمزارع الشاهي ..

اخذت
دباب ودرعمتا لمزارع الشاهي قريبه طبعا من السكن ماهي بعيده
يعني تقريبا المسافه ربع ساعه في الدباب برضو الدباب
ممتع للغايه للغايه للغايه للغايه للغايه ..




. واضحه الدعس في الدباب



وانا ماشي باتجاه للمزارع .. سمعت صوت مووويه
واقول لراعي الدباب , اسمعه هنا وهنا طبعا بهالصوره توضح الأمر لاني
ودي اشوفه كذا فضاوه



وطبعا افهمه الوضع ..
وكذا واشرح له .. واعذروني للطمس الغريب ذا
لاني والله مادري شلون حوسه الوضع
عندي .. ومدري كيف .




وهذاي باتجاه الصوت ..
مثل ماقلت لكم بس كذا من زود الفضاوه ولا ماهو
واضح اساسا كنت اتبع الصوت





وصلت للصوت
وفيه مجرى مويه ينزل من جبل .. ثم يكبر يكبر يكبر يكبر
انا كنت في أوله وتبعت تحت لكن رجعت لان
طريقه شاق ويبي له شده وانا مافيني
حيل صراحه .. ونزلت له ..




غسسسلت وشربت مويه ..
ومشيت , اتمشى بين هالمزارع اللي ترد هالروح صراحه ..





.مثل هالصوره .. يعني صراحه جمميل وخضار ..
وجو روعه وكل شي رررروعه ..





. هذا الشاهي .. وطبعا مزارع كبيره وكثيره مره .. مع مصنع
كبير .. وانواع الشاهي كلها بكبرها . المعروف والمجهول
والغريب , والاخضر والاحمر .. كل
الأنواع بصراحه ..

وتدخل مصنع الشاهي
وتشوف طريقه صنع هالشاهي من الصفر للمليوون
بس طبعا كل شي تدخل بفلوس حتى الدخول لمزارع الشاهي تتمشى
بفلوس .. وفيه خيووول تركبها تتمشى عليها بس ماخذتها
لان كان مطر .. مافي مجال انه يعطيني اياه ..






وانا امشي بالمزارع
شفت مثل البيت القديمه .. واللي جاي شكلها غريب بمكان
غريب , ولوحدها , يعني البيت مشبوهه صراحه . قلت وش ورانا
نروح .. فرحت لها . يوم قربت سمعت اصوات ورى البيت ورحت , فشفت اقفاص
كثييره وشفت فيها مثل هالصوره كل قفص ( ديكين )
لونهم اسود .. ع طول جاء في بالي
انه له علاقه في السحر .

فجلست ادور بين الاقفاص .. فطلع لي واحد لابس من غير
هدوم يعني وشكله غريب ونظراته غريبه , فقلت مسـه بالخير ^_*
واتكلم معه ولا يرد ويناظرني بحده.. فانا شكيت بالوضع خصوصا اول
مارفعت الكام بصور قال لا بيده ومعصب , فصورت
هالقفص من غير مايدري , المهم مشيت من هالزباله وانتم بكرامه
ورحت للدباب وفيه الاندونيسي قلت وش السالفه وش ذي الخشه الغريبه
والبيت الأغرب . وش جابها هنا؟ قال هذا متخصص في السحر
قلت وكل هالدوران والتمشي اثري عند ساحر .. قال ليش
تروح , عاد رحت وش اسوي . مشيت .


في الاخير
وقفت , بين هالمزارع واخذت كوب
شاهي .. مخدر ع الكيف ,





انا فاقع راسي الديك الأسود
بعدين سألت عنه لأني اول مره اشوف
ديك اسود صراحه , فقالو لي ان كل مافيه اسود حتى الدم
اسود , ولحمه اسود , وهذا من طلبات الجن , وسعره غالي جدا , ويستخدم للسحر
ونادر جدا جدا .. طبعا الوضع فيه شي والله من شفت
لونه والبيت الغريبه ودخان من كل جهه لكن
زين اني شفته حتى ماتلقف مره
ثـانيه ..


انتهى هاليوم
ذا , بين مزارع الشاهي .. ورجعت ع آخر العصر تقريبا
للفيلا .. وكملت باقي اليوم فيها ..



في نهـاية اليوم اقول :

احكي لك بهمسي وبالصوت اداريك .
خوف اجرح احساسك بليا اعتمادي .

اخوي فارس :
ترا مافهمت ردك يالغالي .. وحيـاك الله ..

مجنون السهلاوي :
الله يسلمك .. شرفني تـواجدك !

اقصد اني ابنزل صور لكيرلا ان لم اسافر لها الاسبوع القادم

والصور حلوه وممتعه جدا و
ماشاء الله الله يعطيك العافيه اخوي كورة انصحك اتنزلها منتدى البراري
مهتمين بالسياحه جدا

واااو خيااال رحله الخميس,,
لاكن خوفتني بالجن لاوالأخ يدرعم للساحر
شكل قلبك نسيته بسعوديه,,
يابختهم اجوائهم روعه ومزارعهم تفتح النفس مو عندنا
لوتنزل قطره مطرتلاقي الشوارع ملايانه وبالبرماتلاقي لك مكان,,
اوما الديك شكله يخوف بجدواضح موطبيعي,,
اذا كان للابداع عنوان فأنت عنوانه,,
تسلم إيديااتك خيو,,
وربي يحفظك..

فارس يالغالي . انا نزلتها علشان الاعضاء هنا .. ولأجل
المنتدى والتفاعل شوي .. فقط لاغير . البراري وسفاري والمسافرون العرب
والمسافر . والبريه ومكشات .. كلها مهتمه بالامور ذي وفيها
تقارير كثير ومختصين بهالشي . انا فقط تغيير
جو .. ولاني احب هالامور

الله لايهينك يالغالي
ع النصيحه , وهذا من طيب اخلاقك واصلك يابعدي ..

ماشاء الله عليك تحب البربسة بالمويه ^^
أمآ الديك الأسود الله يستر منه , شي غريب !!
ماشاء الله عليك رحلة ممتعه ..والحمد لله ع سلامتك < بدري

الله على المزارع
ماشاءالله عليهامثل مزرعتنا اماعاد ههههههه
والله الجوعندهم خياااااااال
اماالديك وربي يخووووف
الاهم الواحد يحافظ على الاذكار
علشان يحفظه من كل شر
ماشاءالله رحله ممتعه في هالاجواء الخيااال
الله يسعدك وين ماكنت

شـــــكــــــــرا يـــــــــــــــا الــــــــــــــغــــــــــــــلا


يــعــطــيــك الــــف عــــــافـــــــــيــــــــــة


لك كل الاحترام والتقدير والود


فــيـــصــل

شاكر للجميع المتابعه ..
والتواجد .. والكلمات الجميله تجاهي ..

اعتذر
عن اكمال التقرير
للجميع . لظروف خارجه عن الاراده ..
اعتذر من النجمه لولي ودمي اصفر ولينا وطبعي وفارس وكل من يتابع
التقرير والزوار مثل ماجاني عبر الايميل . كان بودي اكمل التقرير لمده شهر كامل تواجدي .
لكن الظروف لاتسمح .. شكرا شكرا شكرا شكرا .. اتمنى اني قدمت
شي بسيط رااااااااااق لكم !