التوبه .. !!

متواضعه .. لقلوبكم الطهر ..والمسجلة ضمن النصوص التي عانقة صفحات الأعلام الورقي المقروء بإسمنا ..
..
.....................

الضيقه اللي حيّرت رووس الأقلام =منها الضلوع العوج ضاقت بكوني
ترتبت بي وأعزفت صوت الأنغام =وجاوبتها بأنغـــام لوعة لحوني
يكفي كفاني .عازف الجرح لي عام =ينبش ورى عوج المحاني طعوني
أرهقت جفني عن كرى النوم مانام =وأسرفت بي مابين .. شكلي ولوني
اللي رسمته في تباشير الأحلام= مابشرت به حايرات الظنوني
يامستتيب الوجد والشك هدام =من حيرتك وشلون تجرح جفوني
لوكنت حلم العمر في وجه الأيام=ماجيت من عاليك .. تهدم أركوني
والتوبه اللي عذرها خان الأقسام =وش عذر غافرها بعد مايكوني
أكبر جريمه .. عاين الوقت ظلام =وأعظم جريمه قدم جرمك تهوني
أرحل حقيقه .. ماتمر بك الأوهــام=وأترك بقـــايا مابقالك يموني
هاذي مرابط خيل الأسرار مرسام= ملجم حصان البوح داخل سجوني

أموت وأعطاشي على جمك حيام=وخام الكفن بأسرارها يدفنوني

أخوكم :سعد المسعودي
[ الحرالأشقر ]،،

الله ياشاعرنا المميز جدا راائع صح لسانك ولاهنت
يعطيك العافيه

صح لسانك شاعر الوفاء ،،، نص جميل جداً تشكر عليه

صح الله السانك اخوي سعد بهذا النص الجميل حقا بأنك شاعر جزل وحياك الله بيننا يالحر الاشقر..

المشاركة الأصلية كتبت بواسطة روحي العالمي

الله ياشاعرنا المميز جدا راائع صح لسانك ولاهنت
يعطيك العافيه

روحي العالمي
التميز قد أكتمل بمرورك وروعة حضورك المشرف
فصح بدنك

أحترامي