الله ماشفناه لاكن بالعقل عرفناه

بسم الله الرحمن الرحيم


الله ماشفناه لاكن بالعقل عرفناه
أتكلم وأدري كلامي ماراح يتعدى هذا المنتدى
لاكن بداخلي شي مكبوت من سنين ومنين وعمر الأولين

كل سنه نقول جاء الفرج
وكل سنه نقول ياحليلك يالسنه الي فاتت
مدري لي متى على هذا الحال ...؟

أدري بتقولون تو بدايه الموسم ومافيه تجانس ومن الكلام
الشباب والأهلي ترى بعد هم بدايه الموسم وأول مباراه
وضربوا ب الاربعه والخمسه

وحتى الفتح بدايه الموسم بعد
وافضل مننا بمرااااااحل لولا لطف الله وأبداع العنزي
وإلى كانت كارثه من بادية الموسم

كورة القدم ماهي معادله صعبه
أو قنبله نوويه أو ذريه أو كيميائيه
كرة القدم 22 لاعب يركلون الكوره والشاطر يفوز
في أسباب رئيسيه للنجاح
1- مدرب
2- أربع أجانب .. ما أقول فايف ستارات
لاكن يملكون أساسيات الكوره
3- رواتب أول بأول + مكافأت تحفيزيه للفوز

وأنتهى الموضوع لاتصعب الموضوع وأصلا الموضوع أسهل بكثير
لاتجيب لنفسك الضغط والسكر والحل بيديك وسسسسهل
خافوا الله فينا .. ياهوووه

استغرب من فيصل بن تركي
ماهي معقوله شخص مايبي النجاح
ولاهي معقوله شخص يمسك منصب يبي الفشل

فيصل بن تركي على عيني وراسي
وماقصل دفع وتعب وأجتهد
فيصل بن تركي أجتهد ولكل مجتهد نصيب
فيصل بن تركي أشتغل لاكن أخطاء بحاجات بدائيه وأساسيه

قلب الدفاع + صانع لعب

ياااارجل مانسوا هذا لاعب ..؟؟؟؟؟
ياعالم يابشر هذا حقيقه ولا حلم ولا وش السالفه
لاعب وزنه تعدى الـ 80
وين عيونكم يوم تفاوضونه
لا والمصيبه عقده سنه واحده
رجعنا لسالفه حسام غالي ومالك معاذ
أجيبه أأهله عندي وأخسس وزنه
ويرجع لفريقه جاهز للعب

كان جبتوا كماتشو وعقده بمقارب لعقد مانسو
ولعبه أفضل بمليوووووون مره واليوم شفنا وش سوا مع الشباب

أما المصيبه والكارثه ( شوكت )
شوكه في حلوقنا
لاعب ماعنده مراقبه ولا سرعه ولا تغطيه ولا ولا ولا ولا
أتمنى أن يخيب ضني ويطلع أفضل مدافع مر على النصر والدوري السعودي
لاكن ( ليالي العيد باينه من عصاريها )
دام الدوري القطرري طردوه وحذروا كحيلان منه
تبيه ينجح عندنا .

ماكان تفاريس متاح ولاعب معروف مستواه وقيمته رخيصه
على قد فلوسكم كان جبتوه الله يرضى عليكم


أعيد وأكرر لا أحد يقولي بدايه الموسم ومن الكلام
حنا نتكلم عن وزن + لعب

عيب الي يصير
عيب والله عيب
اليوم وكأني أتابع مباراه أعتزال ماهي مباراه دوري
هذا الفتح وسوا فينا كذا
كيف لو قابلنا ............ وش راح يكون وضعنا


أذكركم راح نقول : أه ياريان
اليوم أصيب حموود,, وكان أيوفي مصاب
تخيلوا لو كان السسسهلاوي مصاب وش نسوي .؟

النصر يملك هجووم ناار ناار ناار
لاكن مافيه من يوصل الكوره بالشكل السليم
كوره وحده جت لحمود شوفوا وش سوى فيها
مع العلم أنها جت من ( السهلاوي )

أخر صانع لعب حقيقي وشال النصر ( جونيور) أن لم تخني الذاكره
وبعدها جانا ( سوير وعوير )
جانا لاعبين يدورون ولا يوصلون
والله لو لاعب ( مصعب ) مكان مانسوا لاكان فيه شي تغير
لاكن مأدري هم لهم عيون غير عيوننا
ولا عقل غير عقلنا


حسنة النصر في الموسم هذا : حسني
أتكلم لان هذي أول مباراه
وقدام الفتح وصار كذا
كيف لو قابلنا.......... بعد أن يشتد الوطيس وتكون لياقتهم وتجانسهم تطورت


أتقوا الله فينا
أتقوا الله فينا
صارلنا من نهاية الموسم الماضي
وحنا عاقدين الأمال والطموح والمعنويه عااليه
وأتفاجا بكذا ...؟ صدمه مابعدها صدمه

أدري أني خبصت لاكن شي بقلبي أبي أطلعه
منتدى النصر لجمهور النصر
وأتمنى يكون الكلام الي قلته خطا
تقبلوا تحياتي

ما اتعب نفسيتي أن كل هجمة على النصر لازم تكون خطره ولخبطة في صفوف الدفاع ليش مدري .

أما من ناحية المستوى فهم معذرون لانهم لم يلعبو مباريات وديه قويه حتى يكون في انسجام ,وان شاء الله المباريات القادمة راح تكون أفضل .

الله يعين ويصلح الاحوال يارب

القادم ان شاء الله اجمل
ولو نفرض مصابين موجود السعران اللي تمنيت اشراكه من الموسم للي راح
لانه لاعب سريع ومهاجم مبدع

وتونا بالبدايه والامل موجود
لكن اذا بنبداها شؤم وسلبيات
اكيد فالقادم على ماتوقعنا

الدوري شكله مثل العام الاهلي والشباب

اما بالنسبه للمباراه لو الله ثم العنزي كان رحنا فيها بصراحه عبدالله العنزي وسعود حمود هم نجوم المباراه

اما بالنسبه لمانسو ما اقول الا ياقلب لا تحزن والدفاع شوارع لو لله ثم الحارس

اخوي مشكور صحيح مانسو وزنه خطير ولكن الحكم مبكر

لولا الله ثم العنزي لخسرنا بالخمسه دفاع هش بالحيل اتمنى تحسين مستوى الدفاع منذ متى لم يكن لنا خط دفاع قوي

آن شاءالله القادم افضل

الله يصلح الحااال ..

والله كلنا نتمنى التوفق للنصر
ويكون أفضل نادي بالعالم
لاكن النجاح يبي عمل
وعمل والله سهل وبسيط

لاكن أن شاءالله تكون ضنوننا وتوقعاتنا كلها خطا
ويطل كل شي ناجح في النصر

الله يكون في عوننا

ولا تنسون اخوانا في سوريا ادعو لهم اليوم الجمعه في ساعة الاجابه