لاتشتكي من جور الأيام

لا تشتكـي مـن جـور الايـام للنـاس
وادفن همومك في ثرى الصمت كله

اسرارعمـرك خلهـا تحـت الانفـاس
لا صــار هــرّاج القـفـا فاطـنـن لــه

هذاك يفرح لا لمس جرح الاحساس
و هــذا مـنـاه لا لـقــى فـيــك عـلــه

جو الربيـع بعجـة الصيـف ينحـاس
لاجت هروج(ن) ما تجي فـي محلـه

داعب همـوم الليـل لاهـب نسنـاس
وعطها الخبر من قلب خل(ن) لخلّه

قلّـه حبيبـك مـا وطـى قلبـه الـيـاس
حتـى عذابـك بالهـوا جـايـز(ن) لــه

تعيش بالوجدان ما عـاشه الـراس
لولاك قلـي وش انـا عايـش(ن) لـه

إن زانـت الايـام يــا شــوق لابــاس
ولاّ صـبـرنـا لــيــن ربــــك يـحـلّــه

الله ي جوجل
ابيات تدل ع ذائقه مميزه
ننتظر جديدك المميز

يعطيك العافية نصراوية ذووق على اطرائك الدائم
وشرفتي صفحتي بطلتك

اشكرك للابيات
يعطيك العافيه

الف شكر لك لك على النقل ولاهنت...

روحي العالمي
يعطيك العافية وشرفني مرورك

نصراوي العصر
لاهنت وشرفني مرورك
يعطيك العافية

دام التألق ... ودام عطاء نبضك
كل الشكر لهذا الإبداع
لك مني كل التقدير ...!!
وبآنتظار روائع جديدك بكل شوق...!
ارق التحآيآ لك
ودي وعبق وردي

حنين العالمي
شكرا لاطرائك وذوقك
ونورتي صفحتي بطلتك

الله ،، الله ،،

إن زانـت الايـام يــا شــوق لابــاس
ولاّ صـبـرنـا لــيــن ربــــك يـحـلّــه

أبيات في قمة الروعه ،،، والإنتقاء المميز دليل على ذائقتك الشعريه
تسلم يمينك وتستحق عليها التقييم والإعجاب