عـدة نـقـاط مـهـمـة لـمـصلحة الـفـريـق

السلام عليكم ورحمة الله وبركاته

كل عام وانتم بخير . . .

بسم الله الرحمن الرحيم

اولا :

فترة الاعداد انتهت اسبوعين والدوري بيبدا ان شاء الله ، فلذلك اتمنى من جمهورنا العزيز يرضى بالواقع اذا كان فيه شي مو عاجبه بالفريق لان مافي وقت لاستقطاب او استبدال لاعبين سواء اجانب او محليين ، اطرح رايك ، حط التشكيلة اللي تشوفها مناسبة ، شجع الجمهور على الحضور ، ساند الفريق ، سو اللي تبيه بما لا يضر مصلحة النادي ، لان المنتدى صمم لذلك

ثانيا :

اتمنى من جمهورنا العزيز الابتعاد عن الانتقاد الحاد على اللاعبين والتجريح فيهم لانه فيه ضرر على اللاعب وبالتاكيد الضرر سيعود على الفريق ، والابتعاد عن الحكم على اللاعبين الاجانب من الحين الى الجولة الخامسة ، لان اللاعب يبيله فترة ليتاقلم مع الفريق ، لان اللاعب جاي من بيئة مختلفة من دوري مختلف من لاعبين مختلفين من تكتيك مختلف ...الخ
لاني استغرب من الجمهور اللي يحكم من الحين سواء مدح او ذم

ثالثا :

كلنا ثقة في كحيلان بعد الله سبحانه وتعالى ، فالرجال اشتغل وما قصر وسوا اللي عليه ، ما بقى الا التوفيق من رب العالمي ومؤازرتنا ، ولذلك اتمنى من الجمهور الصبر ثم الصبر الى الجولة الخامسة ثم الحكم على المدرب واللاعبين

رابعا :

اللي مستغرب من كارينيو لانه في كل مباراة يدخل فيها بتكتيك وتشكيلة مختلفة عن الثانية ، هذا شي كويس عشان ما يجي الدوري الا والمدرب عارف التشكيلة صح والتكتيك المضبوط ، افضل من انه يثبت على تشكيلة قد تكون خاطئة ، ثم لا انتصف الموسم بدا بالتغيير والتعديل والتخبيط ، فخلوا الرجال يشتغل على راحته وان شاء الله يكون قدها

خامسا

يجب الوقوف مع الفريق والمؤازرة بشكل كبير ، وعندي احساس هالسنة فيه بطولة ، ورح نكون منافس شرس على جميع البطولات كما وعدنا كحيلان ، وتفائلوا بالخير تجدوه

اشكرك مبدعنا ولاهنت للطرح والنقاط
بالتوفيق للنصر الغالي

يعطيك العافية
بالتوفيق لنصرنا فى قادم الآيام

المشاركة الأصلية كتبت بواسطة أسيرة الصمت

يعطيك العافية
بالتوفيق لنصرنا فى قادم الآيام

مرسييييييييييي على ردك

المشاركة الأصلية كتبت بواسطة روحي العالمي

اشكرك مبدعنا ولاهنت للطرح والنقاط
بالتوفيق للنصر الغالي

مرسييييييييييي على ردك