هذا هو الي يجرح القلب جرحين؟؟

هـــذا هــو اللـــي يجــرح القلب جرحيـــــن............


تدري وش اللي يجرح القلب جرحين..؟؟

ويمد حبـل الحـزن فيـك ويشـدهـ

انك تناظر طفل مـن غيـر ابويـن

يمشي ودمعـة سايـل فـوق خـدهـ

منظر صعيب ويقسم القلـب قسميـن

لا قـام يمسـح دمعـه بكـف يـدهـ

يمشي ولا يدري طريقة علـى ويـن

لين التعب من كثـر مـا تـاه هـدهـ

اثقل حـروف يشيلهـا فيـه حرفيـن

لا أب يـدريـبـه ولا أم تـــردهـ

في خطوته رحلـة ودمعـة وسكيـن

وحـظ توسـد بالمراسـي مـخـدهـ

جيت اسألـهـ بالله قللـي ولـد ميـن

وبغي يجاوب واختنـق صـوت ردهـ

أنـا يتيـم ومـا لدربـي عنـاويـن

وجزر الحزن فينـي يسـاوي لمـدهـ

وطعم الطفولة ما عرفته لهـا اللحيـن

وثوب السعادة صـرت مانيـب قـدهـ

ابكي إلى من شفت غيـري سعيديـن

ليـن البكـا فينـي يوصـل لحـدهـ

واقفي ورحت امسح دموعي من العين

وعيني تناظـر دمعتـه فـوق خـدهـ

وهذا هو اللي يجـرح القلـب جرحيـن

ويمد حبل الحـزن غصـب ويشـدهـ

الله يعطيـك العـآآفيه
قصيدة في قمة الرووعه ـ

اللهـ يعافيك, شكراا على مروركـ