ماقوى على فرقاك

انا ماقوى على فرقاك بس الوقت حاديني

اسافر واترك عيونك واعاني لوعة الحرمان

تصور ليلي بدونك وذاك الليل غاشيني

تصور وحدتي وهمي وانا في ليلتي سهران

عشقتك ماتخيرتك ولكن عشتك بعيني

وشعرت اني وانا اشوفك اشوف بداخلك انسان

قدرها ياقمر قـدّر وانا وش عاد بيديني

سوى الذكرى تناديني وخوف الوقت والنسيان

احبك واعشق بحبك بقايا مقبل سنيني

اعيش بها سعادة عمر غرمٍ ماضيٍ قد كان

وتغير بعد حبك تغير كل مافيني

ملكتي كل احاسيسي ملكتي الفرح والاحزان

وغزاي بغربتي طيفك يصبحني يمسيني

ويمسح دمعةٍ هلت سقاها الشوق والتحنان

فمان الله ياغيثٍ بليل الشوق يرويني

ويسقيني امل شوفك وانا اللي لشوفتك عطشان

وسلامتكم

جوجل

يعطيك العافية مراقبنا ابيات رائعه وتستحق التقييم
ودي,.

آبيات رائعة تستحق الشكر
كتبت وأبدعت . وآصل تألقك يا جوجل
بانتظار جديدك القادم
أسيرة

استاذي الغالي وشاعرنا الرائع جوجل
صــــح لساااانك وبيض الله وجهك
كلمات راااااائعة جدآ سلمت يالغالي
ألف شكر لك والله يعطيك ألف عااااافية
ننتظــــــــر جديدك يالغالي

الله يعافيك روحي العالمي
الف شكر لك على مرورك ومشاركتك
تحياتي وتقديري

الابداع اكتمل بمرورك ومشاركتك
الف شكر لك يااسيرة
تحياتي وتقديري

صح بدنك يابومقبل
والف شكر على مرورك ومشاركتك
تحياتي وتقديري

صح لسانك شاعرنا الرائع
يعطيك العافية على القصيدة المميزة

الروعه اكتملت بمرورك
يعطيك العافية اخوي عساف
تحياتي وتقديري

صح لسانك وعلا شانك
ابيات رائعه
يعطيك العافيه ع الابيات الرائعه
لاهنت