مرحوم ياللي كل ما مرّ ذكراه

بسم الله الرحمن الرحيم

السلام عليكم ورحمة الله وبركاته ...












هذه مرثيه في والدي رحمة الله رحمة واسعه توفي عام 1421 هـ لكن القصيده حديثه ..

(( رجوعي ))




مرحوم ياللي كل ما مرّ ذكـــــــراه


هلّت من أقصاها عليه الدموعــــي


أبوي دمعي لا ذكرته نثر مــــــــاه


وبكيت لين بكاي صرّم ظلوعــــي


وأقولها ويلي علــــــى أبوي ويلاه



يا ليتني ما عشت يوم الربوعــــي


وياليتني ميّت معه موت وألقــــــاه


وأسأل عنه يوم الجنايز جموعــي


وأقول من شاف أبلج الوجه حلياه


شيخ طبوعه من خيار الطبوعــي


وجيته وبست رجوله الطهر ويداه


ثم قلت له يابوي ماني قطوعـــــي


تركتني ماني بخايف من عــــــداه


ولاني على الطالات رجلٍ قنوعي


يابوي عقبك جبت حالي من أقصاه


وسديت جوع الناس كله وجوعـي


وبنيت لك ديره ودارٍ بنينـــــــــــاه


غصبٍ على الدنيا ولا هو بطوعي


وفتحت باب العز والمال والجـــاه


وطلعت يوم الله فزع في طلوعـــي


لكن لو تدري عن الجرح ودمـــاه


واللي بوسط القلب زاد الوجوعي


ولدك والله ما تهنى بدنيـــــــــــــاه



ولا ذاق للدنيا طعم لو سبوعــــــي



فاقد عزيزٍ يضحك الكون بشفــــاه



وهذي سبايب ياحبيبي رجوعـــــي

الله عليك الله روعه ماشاء الله راق لي اشكرك مبدعنا عايد يعافيك يارب للطرح الجميل

الله يسلمك .. اختي ..

شًـرٌفنْيَ مًرٌوٍرٌكَ يَ بٌعًدـديَ

الله عليك الله روعه ماشاء الله راق لي اشكرك مبدعنا عايد يعافيك يارب للطرح الجميل

يعطيك الف عافية

الله يعافيكم جميع .. بس حبيت انوه ي اخواني وخواتي .. القصيده ماهي لي .. ووالدي حي يرزق اطال الله في عمره .. وعمر اباءكم وامهاتكم

اعتذر نسيت اكتب منقوول .. خطا غير مقصود .. ارجو المعذره ..

سلمت يداك على النقل الرائع والجميل
ماقصرت يالغالي عنزي النصر
الله يعطيك العافية