مابيني آفوتك ترا الوقت ضيّق

مدخل /



يسعد صباح الفجر لا عانق احساس
............... بعض الوجيه اللي عليها يتريّق


ياكل من الظلماء وفي شمسه نعاس
............... ولا خدّر شروقه تقهوى و فيّق


انفاس خوذيني مع الصبح الانفاس
............... مابيني آفوتك ترا الوقت ضيّق

جمع انعكاسات الاشياء .. ناتج شموعه
............... مضروب فـالحايط / و هــامش تــوزعها


في مجـمل الغـرفه / اللي كــل مجموعه
............... لهـا انـعـكاسـات تـفــرق عـن تـوابـعـها


تمـايل الكرسـي اللـي جنـب مـزروعــه
............... الانـتـظـار / الـعـبايـر / مـع دوافـعــها


الرف / .. ذكرى بها الاشعار مطبوعه
............... ذكرى جميله مضت وابطى مضارعها


والباب صدفه من الاشواق مصنوعه
............... من كثر ما .. مـرت فـ بــالٍ تــوقـعـها


والنافذه لـ / الامل فـي فـجة طلـوعه
............... تضوي دهاليز .. لاقت بي مصارعها


وللصوت دوره يروع نفس مفزوعه
............... وهي .. كنـها ناقصه حاجه تفزعها


الـساعـه آلام / والدقـات مفـجوعه
............... كن العـقارب .. على كبدي تلذّعها


[ تك تك ]عقارب ذحاح السم مجروعه
............... ادري بها ..! سـموم مره واتجرعها


و آموت منسم علي اهون من الروعه
............... الروعه / .. اللي تبــدت لــي طـلايعها


كل الظـما والدلي .. ماهـيب مجبوعه
............... ميـر الـوخــش عـــاذلٍ وده يـجـبـعــهـا


[ شفني هنا ] صايرٍ للحزن موسوعه
............... من تخنقه عبرته .. جــاها يراجعها


أحزان مرئيه / و أحزان مسموعه
............... ياوجد حالي على اللي جـاء يتابعها


من كان له نفس بالافراح مخدوعه
............... يجيبها لـمي / و نفـسي تـروعـهـا


اللي عشق له من الغيمات دلوعه
............... طفل النبات يتطاول شفق يرضعها


والسرب من تحتها صفحه ومقطوعه
............... مقطوعةٍ لـ / النظر بالعين سامعها


قطنة بيـاضٍ تهـادى تـقل مـمشوعه
............... لو هب من يمها النسناس يمشعـها


ترفه / تخاف وتمشّى دون مجموعه
............... تخاف تمسك يد الغيمات / تمـصعها


ولا من دعوها بزفاف الغيم وجموعه
............... في حفلة الغيم محـلا من مـطالعها


خجلى / تطـب وتسحّـب تقل مدفوعه
............... غنجى / لها الغيم يطرب في تهزعها


ثيابها من شعاع الشمس مصنوعه
............... والنجم ازاريرها و الصدر مازعها


ممليةٍ ب / العطر والمسك والفوعه
............... لو تمطر الخـلق تتشمشم مـناقـعـها


ريحـة ندى عطرها بالقاع وفروعه
............... يتسـابق الورد ليـنه ويـتـوازعـهــا


و الغيم من وضعها [ احرجته دموعه ]
............... ليه البشر يمها تشّر ب اصابعها ..؟!


والغيـم يـده ب / خـده مرتكي كوعه
............... ماله جواب .. و مثل دمعه يطالعها


وصفتها والغـطا مـاهيب مـرفـوعه
............... خوف الخلايق على وصفي تقاطعها


كل الظما والدلي ماهيب مقطوعه
............... مير الوخـش عــاذلٍ وده يـقطـعـها


اللي عشق غيمةٍ بالمسك منقوعه
............... لا بـد يـخشى / يهلّه وبـل دامـعـها


من ناس ترعد كلام وتبرق اللوعه
............... ويتخيله طايحٍ مـن فــوق سابعــها


هذا نموذج من غيابه مع الروعه
............... يا جعل يومي قـبل ليـلة مـوادعها


ياللي توخر عن الموعد وانا جوعه
............... غفيت ابمشـي فمانك والـهلا معها


تشوف بيض الرفوف بجبس مصنوعه
............... اول مـ تدخل تراها يسـار طــالـعــها


بالرف الاعلى /هذاك الذابل شموعه
............... تلقى قصيده ب / وسط كـتاب رافعها


اضـحك فدتك البيوت الصعبه الطوعه
............... ولا يشـغلك يا بعدهم حزن مـطـلعـها


للشعر لذه الى من كنـت موضوعه
............... الا بيــــوت الــفـراق [ الله يقلعها ]

مخرج / ...............................




ارفق على قلبك و مال الوله داعي ...............
... ماكل حي ٍ بغى له حاجةٍ يلقى


الحب في هالزمن يبغى له سباعي ...............
... ماهو يبي له بشر بـ احساسها غرقى


فالحب قسّم قليبك لـ اربع ارباعي ...............
... للوصل ربع .. وثلاثه حزة الفرقى

لـ / عبدالله الزامل ( ضيم )

اسسجل اعجاابي بروووعةة الابياات
يعطيك الف عاافيهه خيتي رووحي
لاهنتي عالطررح والاختياار
الاكثر من راائع
رااق لي صرآآحهه ^_*
تقبلي مرووري اختكك"الاميرة الصغيره"

الله يعافيك شكرا لك منوره ياقلبي
ولاهنتي

ابيات اكثر من رائعه متميزة كعادتك

ارفق على قلبك و مال الوله داعي ...............
... ماكل حي ٍ بغى له حاجةٍ يلقى


الحب في هالزمن يبغى له سباعي ...............
... ماهو يبي له بشر بـ احساسها غرقى


فالحب قسّم قليبك لـ اربع ارباعي ...............
... للوصل ربع .. وثلاثه حزة الفرقى
مخرج اكثر من رائع اهنيك على اختيارك
يعطيك العافية
تحياتي لك

ع راسي مشرفي منور بارك الله فيك
ولاهنت

ابيات رائعه
يعطيك الف عاافيه
لاخلاولاعدم

منوره اشكرك يالغلا

nice
nice

يا سلام عالمدخل
و يا روعة النص
و يا جمال المخرج


أبدعتي في الاختيار روحي العالمي
يعطيك العافية
مستحقة للوسام
الف شكر
^_^

ع راسي اخوي منور شكرا للوسام ^^