اخواني الي زعلانين من اداء الفريق تعالو ابيكم بكلمة راس

السلام عليكم
الله يسعد مساكم اخواني جماهير الوفاء اليله لعب فريقنا بترقب جماهير النصر وكان مابيننا من يتمنى ان نفوز وبنتيجة كبيره وان نحقق البطوله وان يرا المستوى الذي يتمناه اخواني كلنا كنا متحمسين لكل هجمه ونتمنى الفوز لا الي بقوله ان الواقع شي والي نتمناه شي ثاني انا بكرسها في كذا نقطه واتمنا اني اقدر ان اوفق في رضاكم
طلع الفريق بهالمستوى لان:
1_ المباراة الاولى للفريق في هالموسم والفريق المقابل اكثر من 5 مباريات وديه
2_ النصر ينقصه ثلاث لاعبين سعوديين ( واجنبيين )
3_ مدرب يختبر اللعيبه ولافكر في الفوز والدليل محمد عيد اساسي وعمر هوساوي احتياطي
4_ كلنا شفنا اللاعب الارجنتيني كيف يوقف في نص الملعب مايعرف شنو يسوي هاذا دليل ان الفريق باقي يبي اكثر انسجام مع الفريق
5_ اخر شي ثلاث لاعبين من الاولمبي وهاذا مؤشر ان الفريق يعاني من نقص قوي
6_ الفريق رايح يبحث عن الانسجام وتعرف المدرب على اللعيبه في اجواء ( الرطوبه الشديده)
ابشرو بالخير فيصل بن تركي يقول اخر الاسبوع راح نعلن عن الاجانب الباقين يعني الجمعه وخالد الغامدي وقع بـمليونين والخبر المزعج بس سعود حمود تأكد انه رباط صليبي ادعو له بالشفا
مابي اطول عليكم تقبلو تحياتي اخوكم
النصر فوق كل شي

الله يكثر امثالك اخوي

اقلام مميزه وراقيه

هذا الشي الذي تعودنا عليه في منتديات جماهير الوفاء


شكرا خيووووووو

ياحبيبي ما نبغى اعذار من اولها نقص وغيره اذا كان هذا المستوى مع فريق متواضع تاسس عام82 ولا حصد اي بطولات رسميه محليه فما بالك مع فرق دوري زين اخوي اتمنى انك ماتكون مثل اللي يطبلون للنصر باعذاره عندك الاتفاق روح شوف صفقاته ما راح اقول لك الهلال ولا الاتحالا اهي ولا شباب روح شوف الفرق اللي اقل مستوى شوف تعاقداتهم وتعال كلمني وقول لا تزعل الا والله بزعل ويحترق قلبي على هذا المستوى الهزيل يا اخي شفت المباراه انت شفتن عبدالغني كيف تارك مساحات مكشوفه وواضحه للخصم يعني راح يسوي نفس الحركات مع الهلال والاتحاد والشباب والله ما يرحمونك ويدكون مرماك بالخمسه والسته الله يستر بس والله لو تسال كل نصرواي بعد المباراه يده على قلبه ويوقول استر بسترك يارب بالله لمتى وحنا نقول السنه الجايه قولي لمتى الناس وصلت سطح القمر وحنا نقول السنه الجايه

بالتوفيق للعالمي


مشكووور اخوي

ماحسون ان كل بداية سنة نفس الكلام يتكرر

كلامك جميل وفي مكانه

لكن ما تلاحظ انها اعذار من اول مباراة

يعني اقل شيء الليقاة تكون مرتفعه شوي بس
والمفروض التحرك يكون اكثر
مو لاعبين واقفين

ان شاء الله المباراة القادمة تكون احسن ويرتفع الاداء والانسجام

أقف لك بإحترام على موضوعك الجميل والعقليه الكبيره اللتي ترى بها الأمور

شكراً لك من القلب

والله يوفق نصرنا

اخواني الي شرفوني بالرد مشكورين واحترم ارائكم انا ماقلت النصر بيحقق بطولات هالسنه ولاقلت كويس انا اقول صعب تحكم على فريق اول مباراة هالموسم 1- مباراة وديه 2- ناقص عناصر سعوديه واجنبيه 3- اول مره يلعبون مع بعض4-رطوبه تعدة 60 بالميه 5- مدرب جديد لايعرف التشكيله الاساسيه ويحاول يستخرج ملامحها
اتمنى انكم تتفائلون لانها اول مباراة هالموسم وتراها مو رسميه مباراة الهدف منها البحث عن الانسجام فقط لاغير

السلام عليكم ورحمة الله وبركاته

تحليل واقعي ومنطقي ,, بارك الله فيك وكثّر من أمثالك

ولكن حسب ماسمعت عن اللاعب سعود حمود :

اللاعب أصيب بقطع في الرباط الجانبي وليس الصليبي .

والرباط الجانبي أخف بكثير من الصليبي .

نتمنى له الشفاء العاجل .

دمت بود

اتفق معك بكلامك

ولانستعجل ونحكم على الفريق

وحنا عندنا نقص من اساس

ومطلوب الانسجام في مباريات الجايه

والمدرب حب يشوف الاعبين وسوى تبديل 4 مرات

على شن يحكم عليهم ويشوف وين الافضل

ويعطيك الف عافية

وان شاء الله نشاهد مباراة اجمل يوم الجمعة