يابوي ليتك حي

بسم الله الرحمن الرحيم
السلام عليكم ورحمة الله وبركاتة
الى كل من فقد والده إهدي له هذه المرثيه
شيلة يابوي
كلمات فهد صنهات الديحاني
أداء هزاع المهلكي
تصميم زايد العتيبي






يابوي ليتك حيّ وتشوف حالي
تشوف وش هو صار من بعد فرقاك

صار الوطن بعدك من الناس خالي
صار... ( الوطن غربه ) بعد مافقدناك

يابوي أنا بعدّك سهير الليالي
مقهور من دنيّاي منّا.... ومنّاك !

حدتني الدنيا وأنا راس مالي
إني ... عزيز النفس . مثلك وشرواك

مافيه شيٍ في حياتي صفالي
حتى . الورود . إن جيتها صارت أشواك

أطيح واحمولي عليّه إثقالي
وأتخيلك مديت لي كف , يمناك

بعدّك ولامره ترى إرتاح بالي
أصفّق على كفي ندم وآتحراك

من ضيقتي ياكّم أصّدق خيالي
وأقوم أدوّر عنّك وآقول ب القاك

أضيع بالعالم وهمي سؤالي ؟
هو أنت ؟ وينك ؟ ليه ماعاد شفناك ؟

أدري لو إنك حي ياعز غالي
يمديك.. تفزع قبل.. ماجيك وانخاك !!

ويلاه , ياحالي وماهو جرالي
ويلاه , ياقلبٍ تعذب في طرياك

ويلاه , يابويّه من اول وتالي
لا...... والله.. أول.. كان.. ينجيني إدعاك

واليوم من بعدك وش اللي بقالي
غير إني أدعي ربي يغفر خطاياك

يالله حطّه وسط منزال عالي
في جنة الفردوس يارب الافلاك

واغفر ذنوبه ياعزيز الجلالي
وشرح لي صدرٍ ضااااااق من جّور دنياك


تحياتي ومودتي لكم
محبكم زايد العتيبي

من ضيقتي ياكّم أصّدق خيالي
وأقوم أدوّر عنّك وآقول ب القاك

ااااااااااااااااااااااااااااخ الله يرحمكـ يايبه
وربي فقدتكـ

الله يرحم اموتنا واموت المسلمين
ويجعلهم في الجنان
يعطيك العافيه
تسلم اناملك
لك ودي واحترامي

الله يرحم اموات المسلميين

ابيـــــات رائعه ..

يعطييك العاافيه على الطرح الرراقي

كل الشكر لك..

ويلاه , يابويّه من اول وتالي
لا...... والله.. أول.. كان.. ينجيني إدعاك

واليوم من بعدك وش اللي بقالي
غير إني أدعي ربي يغفر خطاياك

يالله حطّه وسط منزال عالي
في جنة الفردوس يارب الافلاك
رحم الله والدي ورحم الله جميع اموات المسلميين شكرا لك اخوي على هذا النقل الجميل والله لا يهينك...

احبتي شاكر لكم مروركم العطر
ويعطيكم ألعافيه

والله لايركم مكروه في ماتحبون

مودتي