أمي ما كذبت علي يوم قالت......

ماكذبت أمي عليّ .. يوم قالت ..

لاتنام إلا متوضي
وصل .. لله ركعتين
واقرالك لو آيتين ولا تترك قرآنك
وارفع ايديك وتضرع .. بالدعاء
يشرق النور بجبينك
ما تجيك أحلام توحش
وما تقوم الصبح
مهموم .. وحزين
لاتفرط في صلاتك
ولايغرك حب ذاتك
ولايبل الريق مسكر
حتى لو يبست لهاتك
إحرص .. تصلى جماعه
وكل ساعه
راقب الله في حياتك
لاتصير إنسان جارح
إضحك بوجه الجميع
عامل الناس بتسامح
لا تفرط في حقوقك
لا تجامل في النصائح
ولا تثور .. تصير فاضح
وإن لمست عيب صاحب
لا تنافق .. ولاتصارح
وإنتبه من هالنصيحه
لا تصير إنسان غامض
ولا تصير إنسان واضح

إحذر .. أولادك ومالك
لا تجافيهم وتقسى
ولا تبالغ في دلالك
ربهم بالخير .. تربح
وعلم النفس القناعه
وعلم القلب الشجاعه
ولا تغطي العين وتحلم
وتخدع الرآي بخيالكإنتبه .. لاتبني دارك
قبل ما تختار جارك
وفكر بحق المجوره!!!
لا يحس إنك ظلمته ..
وإلا إنك يوم خنّته ..
وإلا توذيه بصغارك
إن وعدتَ وعد .. فاصدق
إحذر تزل بلسانك
أو تقلل يوم شانك
عش عزيز النفس تسلم
حاجتك للناس .. علقم
لا تبين ضعف حالك
أو يغرك زود مالك
ولا تهين إنسان .. تندم

خلك إنسانبكرامه
لا تغرك هالأمور
المناصب
والقصور
فكَّر بيوم القيامه
فكَّر إنك ما أنت خالد
رحلة الدنيا قصيره
تلقى نفسك في سلامه
إحذر تصيرالبخيل
واحذر تبذر وتطّغى
واحذر تعيش بخساسه
أو ذليل
ولا تنام بيوم خالي
لا تنام بدون لا تفعل جميل
تلقى نفسك في معزه
تلقى روحك في شموخ
عش أصيل
ومت أصيل
كل ماسويتْ فيني
أو في أبوك
تبي تشوفه من عيالك
بر فينا تلقى بِرك
ياعسى الله لايضرك
والله الله
لا تلين بضعف تعصر
ولا تقسى بشر تكسر
إصحى .. وإحذر
زوجتك تشكي وتتكدر
لا تدقق في خطاها
وإنتبه تكشف غطاها
تسعد بنعمة وفاها
وتلقى منها مايسرك
ورسولنا قلك إستوصي فيها خيرا

لا تمل هموم حملك
ولا تظن الناس مثلك
واصنع أمرك منيمينك
لا تدور من يعينك
بين ربعك .. ولا أهلك
لا تعامل باللي تكره
ولا تجارم وإلا تشره
وتذكر قول ربك لما قالك
علي توكل

شكرا لمرورك على موضوعي وهذا شرف لي ووسام على صدري

الله يخليلك الوالدة آمين

يعطيك الف الف عافيه

جزاك الله الف الف خير

شكرا لمرورك على موضوعي وهذا شرف لي ووسام على صدري

يعطيك الف عافيع خيو رمز النصر على الطرح المميز لاهنت