بمناسبة جمالية الاجواء في الشرقيه اليكم هذي القصيده و (اتمنى تعجبكم)

البارحه جالس وانا مقابل الضو=اجمع من العيدان وازيد ضوي
مبعد عن العربان واخايل النو=وارقب متى نجمة خفوقي تضوي
يا نجمة العشاق يالغايبه لو=تكفيننا شر المعاضيل توي
يا نجمة العشاق ما استحمل القو=خذت مفارقة المواليف قوي
لمي شتات الحل ثم آمري سو=وأهم شي تخفي جروح المدوي
ويانجمة العشاق لو ليلنا تو=اسري عشان من المعاناة اهوي
وانا اخاطب نجمتي من ورا النو=جاني ولد عمي وقال وش تسوي
الجو برا يعجبك منظر الجو=وش فيك جالس ضايقٍ ومتلوي
قلت الصراحه يا ولد والبلا هو=أني تعبت من المعاضيل توي
(والجو جو ان كان بعض العرب جو=وان كان هم ما جاو ما زان جوي)
ابقتبس من صاحب البيت ذا لو=يسمح لنا راعيه وتفيد لوي
بعد ما طابق قصتي مزمله تو=وهذا يبن عمي حديث المهوي
اجمع من العيدان ابلحق الضو=واثري دريت ان البعد عيب جووي

وسلامتكم جميييييع,,, وعسى الله يديم الاجواء الجميله بالخير والمسرات علينا وعلى المسلمين اجمعين..

صح لسانكـ ابيات وافيه من شاعر وافى لاهنت

ابيات رائعه
يعطيك العافيه ياشاعرناالرائع
تسلم اناملك على الطرح الجميل
عسى الله يديم الاجواء الجميله بالخير
والمسرات علينا وعلى المسلمين اجمعين
اللهم امين
لك ودي واحترامي

صح لسانك
ابياااات في قمة الروعه
سلمت اناملك الذهبيه
لاتحرمنا جديدك
ودي لروحك

شامخ النصر, طبعي الوفاء , حطموني البشر..
مروركم نووور المتصفح ولا خلا ولاعدم...

صح لسان
ابيات رائعة بارك الله فيك