ولو ترجع الدنيا فيني والله مختارك

الحمد لله أبشرك نامت عيوني
ولو ترجع الدنيا فيني والله مختارك

تسألني عن حالتيوف البعد وشلوني؟
آنا سعيده ب غيابك وأنت شخبارك ؟

شخبار جرحي معاك وآخر طعوني
عطني جديدك وعلمني عن أفكارك

مجنونه خلقه وليه تزود جنوني
محروق قلبي وأنت تزيد في نارك

من رحت عني ولهيت ب دنيتك دوني
ما عاد قلبي مكانك لا ولا دارك

علي تسأل غريبه ومنك شجوني
أنت الوفا مقاطعك ما أعتقد زارك

ياكثر منهم نسوني واللي يطروني
وإن كان حبيت غيري جعله مبارك

أنت و حبيبك و ربعك ماتهموني
وفر كلامك وأحاسيسك و أعذارك

ماعدت أفكر بوصلك وأتعب ظنوني
هذاك أول يهمني أسمع أخبارك

وإن كان ظنك تمس ب غيبتك كوني
بيدي شعلتك وبيدي أطفي أنوارك

ولو رجلي تعجز تشيل الهم ومتوني
أموت ظامي ولا أترجى أمطارك

راجع لي تسأل ب كيف الحال وشلوني
تحسبها فرصه تقدم عذرك أزهارك

الحمد لله بخير ونامت عيوني
وشلونك أنت وبعد فرقاي شخبارك

تسلم يمينك عالطرح الراقي
لاعدمناك

سلمت اناملك ,,يعطيكي العافيه قلبو

يعطيك العافيه
تسلم اناملك على الطرح الجميل والانتقاءالرائع
لك ودي واحترامي