إن صحة الاخبار فاقولها بالفم المليان...

ما كان ودي اكتب شي في هذا الشهر الفضيل ولكن سمعت الخبر وحبيت ابين فرحتي مثلي مثل غيري....

يامرحبا ترحيبتن شانها شان=ترحيبتن تجبر كسور المصيبه
باللاعب اللي صار له قدر وإحسان=من بيننا كن الزمان يحكي به
على مقولة فهد سمّوه زيدان=لان كل إنسان بسمه نصيبه
زيدان فرنسي ولاعب وفنان=وبدران من دار الكويت الحبيبه
يامرحبا بك زود يالذيب بدران=ياللاعب اللي كلنا ننتخي به
اقولها داله وبالحيل فرحان=لو هو خبر ياجعل ربي يجيبه
لان بدر تاج على الراس ماهان=بخلاقه الحسنه ولعبه وطيبه
إن جا بدر له شان وان راح, له شان=تبقى غلاته عندنا بالغصيبه
جاني خبر رجوعه وجيت طربان=وكتبت لي بيتين والحق اجيبه
يبقى على مر الليالي والازمان=(بدر بدر) جعل السعاده نصيبه....

وسلامتكم وان شاء الله تصدق الاخبار وان ما صدقت فالله يوفقه في حياته العمليه المستقبليه...

رائعه من روائع مبدعنا الرائع لك مني الشكر العالي

صح لسانك ويستاهل بدراو ووالله انه لخبر يستاهل الفرح والسرور لكل نصراوي

نحبك يابدران

صح لسان ووالله يستاهل بدرا ن ووالله خبر مفرح لنا جمبعاً

تسلم وصح لسااااااااااااانك
نعم والله الخبر رغم عدم تاكيدة الا انة اسعدنا وافرحنا

وهاهو الخبر يحرك شجون شاعرنا الوفى ليدخدغ ذائقتنا الشعرية باروع الابيات

إن جا بدر له شان وان راح, له شان

تــبــقــى غـــلاتـــه عــنــدنـــا بـالـغـصـيـبــه

جـانــي خـبــر رجـوعــه وجـيــت طــربــان

وكـتـبــت لــــي بـيـتـيـن والــحــق اجـيــبــه

إن جا بدر له شان وان راح, له شان

تــبــقــى غـــلاتـــه عــنــدنـــا بـالـغـصـيـبــه

جـانــي خـبــر رجـوعــه وجـيــت طــربــان

وكـتـبــت لــــي بـيـتـيـن والــحــق اجـيــبــه

صح لسانك يا نصراووي العصر

وعلى خير يارب تصدق الانباء والا تخلص تعبنا من الانتظار ^^

يعطيك العافيه

صح لسااانك شاعرنا نصراوي العصر
على القصيده الرائعه
وأعطتنا تفائل اكثر برجوع "بدر" للنصر إن شاء الله
وربي يوفقه وياك والجميع ..

الف شكر لكم جميعا على الاطلاله الروعه والله يتمم الاخبار على خيييير.....

صح لسانك وعلاشانك
قصيييدة رائعه
والله يوفق بدران مع العالمي
يعطيك الف عااافيه ياشاعرنا الرائع
نتتظرجديدك بكل شووووق

افرحنا الخبر جمييع والله يتممها على خير

شاعرنا نصراوي العصر..يعجز اللسان عن شكرك

الله يقــــــويك ..ولايحرمنا ابدااعك