بيعود مجدك يانصر وانت داري...دامك عليت بيوم عرش الصداره

السلام عليكم ورحمة الله وبركاته

اسعد الله اوقاتكم بكل خير وعاش من شافكم

عندي ابيات خاصه في نادي النصر وحبيت اهديها للجماهير النصراويه

القصائد كثيره في هذا الكيان العظيم لكن ننقل لكم ماتيسر




نادي النصر عشقه مع الدم جاري
يزيد عشقي له ورغم الخساره

نعشقه موت وعشقنا له حضاري
والدعم متواصل لطاقم الاداره

لابد في يومٍ نصيد الحباري
ويعاود الصقار حب الصقاره

اطمع ولكن طمع ماهو تجاري
عشق النصر عندي هو اكبر تجاره

نادي النصر الاول وعقب اختباري
وكم شخص لاجل النصر فات اختباره

والله لو يلعب بوسط الحواري
اني معه ياناس حاره لحاره

مانيب قايل طال وقت انتظاري
ويازينها زيناه منك المراره

اوضح شعوري لو الدار داري
ومانختلف مابين داري وداره

حب النصر فيني تراه انتحاري
موجود قبله في عروقي نعاره

شاعر واعرف اجيب فيهم كباري
واعرف اسدد غارةٍ تلو غاره

مانيب الد العين في بنت جاري
لامن غلط واجد عليه احتقاره

عشق النصر فالوقت هذا انتصاري
ولامن لهيت بغير عشقه خساره

سلام من دولـة قطر فوق ساري
للعالمي مرسول ختمٍ واشاره

بيعود مجدك يانصر وانت داري
دامك عليت بيوم عرش الصداره


محبكم
فهـد المـري

سلام من دولـة قطر فوق ساري
للعالمي مرسول ختمٍ واشاره
يامرحبا تراحيب المطر الف شكر لك اخوي نصراوي قطر على النص الرائع والله لايهينك...

صـح لساااانكـ
على هالابيات المميزه يعطيك الف عافيه
وياهلآ فيك وفي جميع الاخوه القطرين واهل الخليج جميعآ
لاعدمناكـ وننتظر جديدك

صح لسااانك
قصيدة رائع
يعطيك الف عااافيه
ونتتظرجديدك الرائع بكل شوووق

عشق النصر فالوقت هذا انتصاري
ولامن لهيت بغير عشقه خساره

سلام من دولـة قطر فوق ساري
للعالمي مرسول ختمٍ واشاره

ياهلااا ومسهلاا فيك اخوي وبجميع اهل قطر

صح لســـــانك على هالقصيده الجزله ..ويستاهل العاالمي

الله يعطييك العاافيه ..وماننحرم من جديدك

عشق النصر فالوقت هذا انتصاري
ولامن لهيت بغير عشقه خساره

سلام من دولـة قطر فوق ساري
للعالمي مرسول ختمٍ واشاره


صح لساانك خيو قصيده راائعه
واهلآبجمهور العالمي بقطر
ووننتظرقصائدك بكل شووق.

صح لسانك

ويعطيك العافيه اتاريك شاعر ماشاء الله عليك

في شوق لجديدك

تحياتى

صح لسانك والله يعطيك الف عافية
على ها الابيات الجميلة