أكبر خطا تبكي على أنسان ناسيك

يا ( قلب) يكفي ما جرالك ويكفيـك
أنك تموت من القهـر الـف مـره .~
............ بالله قلّي ويـش تالـي مساعيـك
ياللي تناظر فـي نجـوم المجـره .~
............ حلمٍ حلمتـه مـا يحقـق أمانيـك
وليلٍ سهرتـه مـا ينسيـك مـره .~
............ أن كنت ناسي ما جرالك بماضيـك
بذكّرك في الوقـت خيـره وشـره .~
............ عطيت من دمّك وخابـت هقاويـك
وراحت سنينك بالشقى والمضـره .~
............ كم (جرح) ينزف بك وكنّه ولا فيك
من خوف عذالك بصـدرك تصـره .~
............ وكم (جرح) لو تخفيه بانت مواريك
له في ملامح وجهك السمح جـره .~
............ وش فايدة صبرك وسهرك لياليـك
وغيرك بدون أحساس مافيـه ذره .~
............ أكبر خطا تبكي على أنسان ناسيك
ويضيق صدرك فيك وتموت حـره .~
............ اللى نساك أنساه لو كان يطريـك
واللي يبرك فـي مواصلـك بـره .~
............ وأكبر جريمة .. من توده ويجفيك
أنك تصونه عقب ما بـاح سـره .~
............ قول (الوداع) وما جرالـك يكفّيـك
ودربٍ يمـرّه لا تحـاول تـمـره .~
............ يا (قلب) يكفي ما جرالك ويكفيـك
أنك تموت من القهـر ألـف مـره .~

مشكوووووور والله يعطيك الف عافيه

يعطيك العافيه
ابيات رائعه
تسلم اناملك على الطرح الجميل
لك ودي واحترامي

بنت العالمي

طبعي الوفاء

شاكر لكم مروركم العطر الذي زاد الطرح نورا

مشكور ويعطيك العافية

و الله ذووق الف ششكر لك عوافي