لاتلومني لين شفتني دايم اجيك

يابحر فيني من الحزن كثر مافيك
من حــزن وأوجـــاع وغيــاب وغـــرايب






لاتلومني لين شفتني دايم أجيك
ولاشفـــتني دايــم علـــــى الشــــــط ذايب






حزني كبير أكبر من حدود شاطيك
وأقسى من جـــــروح الزمـــان العطــايب






وإن كـان تنشدني فأنا مقـدر أخفـيك
دايــــــــم اظن ويطلع الظـــــن خــــــايب






في هالزمن أقـرب حبايبك يشقيك
إلــــين تــدفع في غــــــلاه الضـــــــرايب







من بعـد هذا يبتعد عنك ويجفيك
مــــاكنه بجنـــبك قضى الــوقت طــــايب






وإلا الخوي الـلي توقعت يفديك
يفـــديك عمـــــره لاغدت بك نشــــــايب






صد وتصدد مايبي سمع طاريك
ويــــــاما أنت دونه أتعبـــتك الطــــلايب






لاتقـول لي بـدري وتوك ويمديك
وتعال وأسمع باقـــــي الهـــرج صـــايب






خلك بحالك وأطلب الرب يهديك
ولاتنشد اللــــــي غـــاب ويـن أنت غـايب






وإن شفتني غايب عن حدود شاطيك
أعــــرف ترانــــــي تحت ذيك النصـــايب






وأعرف تراني دايم إن ضقت باجيـك
لأنـــــي أنــــا والموج صــــــرنا حبــــايب

ابيات قمة الروعه الف شكر لك اخوي فارس ولا هنت...

ابيات رائعه
يعطيك العافيه
تسلم اناملك على الطرح الجميل
لك ودي واحترامي

ررررررررررررروعه من فارس الماااضي

وماااااااقصرت

ابيات رووووووعهـ
صحت ذائقـكـ

انتم الرائعين والله الله لايحرمنا من اطرائكم الجميل

ابيات رائعه
سلمت اناملك ع هيك طرح
لاعدمناك
ودي لروحك

انتي الرائعه حطموني البشر الله لا يحرمنا من اطرائك الجميل والمهذب

	قصيدة جميلة يافارس الكلمة

ابيات رائعه

سلمت يمينك

لروحك سعاده لاتنتهي