الشاعره النصراويه الجفول ترد على شاعر الهلال

عندما انتقل الأعب سعد الحارثي من النصر الى الهلال

كتب الشاعر راشد بن جعيثن الملقب نفسه (شاعر الهلال) بيتين

وجاه الرد صاعق من الشاعره الجفول وهي شاعره معروفه

على الساحه الشعريه

بيتي راشد بن جعيثن :

باكر تشوف الناس فرق النوادي
لاشافوا الذابح سعد يرفع الكاس

هذا بعد ياناس حسب اعتقادي
سعد سعد فالملعبه يرفع الراس

ردالجفول :

(( سلّم على الحكام ))..!

سلم على الحكام بيض الأيادي

يامعدي السبعين لاباس لاباس

يوم النصر يلطمك بين الثنادي

روّ ح شبابك ماتهنيت بنعاس

ويوم إنها صارت بليا حيادي

و لاعادبه عدلٍ ولاعاد مقياس

حقك تحدى بالزمان الرمادي

بس الأكيد انك تذكّر هكا الراس

وأهدافها اللي فعلها غير عادي

صواعقٍ حطت بكم كل وسواس

دورٍ لها فيكم قويٍ ريادي

أتعب خطاويكم إلى قطع الأنفاس

وكمّل عليكم بالجنون القيادي

الذيب الأمعط منبع الفن الألماس

فهد الهريفي له معاكم مبادي

أسقاكم الأمرار كاس ورا كاس

العالمية تشهد شلون غادي

الوضع والتحكيم ونجوم الإفلاس

المنتخب منكم غشاه السوادي

من يوم سيطرتوا به الوضع محتاس

هوّن على نفسك بليا عنادي

مادام مات العدل وانداس الإحساس

واليوم أعزي بالرياضة بلادي

ماتت على يدكم كما طعن جساس

الجفول..

صح لسانها والله

صح لسااانها
الف شكر لك على النقل
اخووووك
كودرد

العفو اخوي كودرد

صح لسانها كفت ووفت

لاهنت يالغلااا ع النقل

ولا تهون اخوي ولف باك

أجمل لو كان الرد ( من النصر نفسه ) او يكون الرد من النصر
في ( بطولة ولي العهد ) .. بأرض الملعب ... نقول
ان شـاء الله الرد يكون هنـاك ..

تشكر انت والجفول !