ياصاحبي عـيش دنياك

في هالزمن يا صاحبي عيش دنياك
لا لا تحــــــــاول تفهم اللــــي حـــواليــك







فكر بشخص طول هالعمر يفداك
واتــــرك بقــايا حكي مـــا اظن يعنــــــيك







تكشف لك الأيام مـن كان يهواك
ومن هو يمــــــثل دور إنســــان يغلــــيك







ناس نسوك وناس ناسين نسياك
ونـــاس تناسو ناس ناســـــين ناســـــــيك







وناس رؤس أموالهم بس طرياك
ونـــاس يشوفــــون الفقر في طـــــواريك







وناس ليا شافو الزعل في محياك
تســــابقو من فـيهم اللـي بـــــــيرضـــيك







وناس لو انك تنحرق فيك بلواك
خـــلوك وحدك تنحرق في بـــــــــلاويك







صعبه تلاقي فالبشر بعد فرقاك
مـن يذكـــرك بالخـــــير لا حل طــاريك







ما كل من حاكاك بالصدق حاكاك
حـــتى المنافق لــو تركـــــته يحاكــــــيك







وما كل من خاواك بالطيب خاواك
حـــتى النذل لو جات فــرصه يخـــــاويك







خل النباهه عند هـالناس مبداك
والصد عـنهم خـــله أســــمى مبــــــاديك







أعطاك ربي من تفاصيل ما أعطاك
عـقــــل وتحكم من من الناس شــــــاريك







ما توقف الدنيا على شخص جافاك
حــــاول تطـــنش وابتعد عـن مجــــــافيك








انت الوحيد اللي أبد ما تناساك
وانت الـقريب وأعـتــــبر راحتي فـــــيك








شفت الحروف اللي به الكون وياك
مــــــا أظـــــن تقدر بالمدايـح توفـــــــيك








شفت النجوم اللي ضوت بعد طرياك
ما أظن تضوي لـــــــو تناسيت طــــاريك







انت الغرام الـمرتـسم فـي حناياك
يجذب عقول هايـــــــمه فــي معـانــــــيك







لولا إلـهــي ثـم بعديـن لولاك
ما كـــــــان للإحساس طاري وتشكــــــيك







ياصاحبي في هالزمن عـيش دنياك
وأحكم بعقـــــــلك من من الناس يغلـــــــيك







وارفع كفوفـك قول يارب رحـماك
عـبدك كســـــير وطول عـمره يناجـــــــيك

الله عليك
صح لسانك
ابيات قمة بالروعة
لامست احساسي

ابيات رائعه كروعتك
سلمت اناملك
بشوق لجديدك
ودي لروحك

ابيات رائعه

يعطيك العافيه