يوم عانقني خيالك

على ذكر‎ المواجع والسفر والحل والترحال
طويت آخـــــر ورق عندي في دفتر أحــــزاني







طويته وانكسر قلبي وصوتي بالمواجع سـال
ودريت إن الظــــلام اللي تحت كف السهر جاني







جلست أجمع مسافاتي وأغني للسفر موال
على صفحة من الماضي بهـــــــا حلمي وعنواني







بها كم سافرت عيني ليالي والظلام أهوال
وبها كم سافــــــــــرت روحي وأنا بالليل وحداني







حبيبي كل ما أشوفك تجي بالذاكره تختال
نهر من فايض الذكرى يجي من داخـــــل أشجاني







تخيل يوم عانقني خيالك خاطري وش قال
تخيل قبــــــــــــــــل أسولفلك نشدني عنك وجداني







نشدني لين خــــــلاني مدينه هزها زلــــزال
تخيل ماهدى حتى لقـــــاك بوسط شــــــــــــرياني







أروح لسدرة الموعد معاي لموعدك مرسال
وأخاف إنك تجي قبلي وتـــــــــــــــرحل قبل تلقاني







هنا كانت ليالينا غـلا والمقبــــــــلات آمال
وهنا كــــــــانت مواعيدك مطر تخضر به أغصاني







هنا شف باقي آثارك على رمل الوعد مازال
وهنا شف دمعه طـــــــــاحت من عيونك على شاني







حبيبي لا تنشدني عن أوضاعي وكيف الحال
أنا بعدك سحاب أبيض أضم الـــــــــــريح بأحضاني







تسافر بي الذكرى وأحسب إني وصلت للي ع البال
واثرني ما وصلت إلا بدايـــة درب حــــــــــــرماني







وتبقى سيرة الذكـــرى قصيده تكتب الترحال
سوالف للعيون اللي صداها دمعة أحــــــــــــــــزاني

ابيــــــــات مميزه

تسلم على الطرح الرائع

كل الشكر لك..

ابيااات رآآآئعه
يعطيك الف عافيه على الطرح الرائع..
لاحرمنا منك ..آبدآ..ولآمن ابدآعك..
بآنتظار جديدك المتميز
دمت بسعآدهـ..
ودي لرورحك

كل الشكر لك ولي جمال احساسكـ

مشكور اخوووي الطيب ولمحترم ولك اجمل تحياتي علا الموضوع الطيب

اشكر لكم المرور والاطراء لاخلا ولاعدم

ابيااات رآآآئعه
يعطيك الف عافيه على الطرح الرائع