؛؛ " [[ سحـابـة حـكـي ]] " ؛؛

،،،،،،،،

... غـصه بحلق الاسى بـ اخر مواويلي ...
.......................... ( جت تسكن بكـاي طفل اعيش بذهوله ) ..

... اكبر ويصغـر واغـني له ويبكي لي ...
.......................... ( واضمه بحـزن لـين اصير في طـوله ) ..

... أسال عـيونه وتشكـي من غـرابيلي ...
.......................... ( واقـول فعـل الزمن ويقول : معقوله ) ..

... واضمه اكـثر واسولف عن تفاصيلي ...
.......................... ( حتى انه يقـول : كثر الدمع وشهوله ) ..

... حتى اني احس من قوله طـفح كـيلي ...
.......................... ( واجي سحـابة حكي بالكبت مبلولـه ) ..

... ياطفـل وش عاد لو مـاكنت من جـيلي ...
.......................... ( ومفهومك اصغر من اللي ناوي اقوله ) ..

... بصـب من دلـة اهـدابي فـناجيلـي ...
.......................... ( واشرح لك اللي حصل وافل مجـدوله ) ..

... ياطـفل غـنيت والماضي / مقـابيلي ...
.......................... ( ياضحكتي / ضحكتي دمعـات مقتوله ) ..

... حـضنتك ابغـاك تسلى في مداهـيلي ...
.......................... ( هذا وجرحي كبير وخـفـقتي تـّوله ) ..

... حتى وانـا اضمك ابغـى من يناديلـي ...
.......................... ( وبحـضنه اطيح لـين يطيح هـملوله ) ..

... محـتاج صرخـه تعّـبر عن بهـاذيلي ...
.......................... ( ومزن لضمى رغـبتي تنقذني سيوله ) ..

... محـتاج وجـهٍ بنـور البدر يضوي لي ...
.......................... ( يقتـلبي اللـيل كان ارخى بي سدوله ) ..

... ياطفـل أبي شخـص يستوطن مراسيلي ...
.......................... ( يشبـه لحـسك ويفرق عنك في زوله ) ..

... يضمـني حـب ماهـو بس يبكـي لي ...
.......................... ( ويستجـدي شفاي لين تبوح لفصوله ) ..

... من يـوم صارت دمـوعي هي مناديلي ...
.......................... ( وامـسح بها هم وجـداني وماحـوله ) ..

... دنقـّت هذا الصحيح وطحت من حيلي ...
.......................... ( لـو ان هـذا الكـلام يعـّور بقـوله ) ..

... واللي كـتب لي بكـاي بصبحي وليلي ...
.......................... ( ماعـاد لي قـلب يقـدر ينقل حـموله ) ..




،،،،،،،،

طرح رائع
يعطيك العافيه اخوي على الطرح
لاهنت

مشكوووووور والله يعطيك الف عافيه