راحة النفوس ابرك من كل الفلوس...

اول مره اكتب قصيده من هذا النوع... واتمنى انها تعجبكم...

ياطايره طيري وزودي فالمطير**مادامني سواق وانتي طايعه
اما بوقفها على باب الوزير**ولا بروضٍ ما يضيّق خايعه
ياللي تقول ان الهنا ملك الامير**وجهة نظر مع احترامي ضايعه
بعض العرب لو نام من فوق الحصير**مابان فيه الفقر من طبايعه
عزيز نفس ومقتنع لو وش يصير**ما شال هم اشر السهم يابايعه
وبعض العرب يرقد على فراش الحصير**عينه لنوم العز ماهي طايعه
تقول كن راسه تحت همٍ كبير**وهو كاسيٍن راسه الشال الراايعه
الاول الى من نام يانوم القرير**ولا قام ما قمن مشيع الشايعه
والثاني الى قام من فوق السرير**كبده من الاخبار ماهي لايعه
ياصاحبي واظن في يدك المصير**واسلك طريقن تعجبك سنايعه
قلته وانا ما املك من المال الكثير**وعيني على المليون ضميا جايعه
لكن اثق في صحة البيت الاخير**وعسى النفوس بقسمة الله طايعه
عيشك وسيع البال مرتاح الضمير**ابرك من فلوس الزمان الضايعه....
وسلامتكم...