عفوآ .. فلازال السوس ينخر !!

صديقي النصراوي وطبيب الاسنان !!

صديق نصراوي زار مؤخرآ طبيب الاسنان بعدما خلع له ضرس العقل وبدا صاحبي سعيدآ ظنآ منه ان مشاكله انتهت الى الابد ولكن كان للدكتور رأي اخر . اجلسه الطبيب على الكرسي وطلب منه فتح فمه فدار الحوار التالي :

_ بشر يا دكتور .. الفراغ اللي صار بعد شيلة ضرس العقل بيجي مكانه ضرس ثاني ؟

* ممكن اذا اراد الله وانت لا زلت في مرحلة نمو .. بس اهم شيء حافظ عليه .. يعني لا تعوده على هبش الحلويات ولا مضغ السكريات والا الله يعينك على السوس .

_ يعني ممكن يرجع يسوس ويسبب آلام ؟

* اكيد وآلام اعظم واكبر .. هذا ضرس جديد ونظيف ومغر جدآ للسوس عشان يتجمع عليه . مع كل ضرس جديد تلقى فيه سوس ( يزيد ) و ( فرحان ) عشان يتعيش على ضحية جديدة , ولا تنسى ان فيه سوس ( متيس ) في فمك من يوم ولدت ويعيش معك ابد الآبدين الا اذا خلصت منه زي ما خلصت من ضرس العقل .

_ طيب يا دكتور ليش ما تساعدني من الآن وتنظف فمي من السوس عشان ما يصيب السن الجديد !

* هذي ممكن بس يبي لها جلسات مكثفة ولازم نوقف عندها سن .. سن .

_ يعني بتطول الشغلة يا دكتور ؟

* طبعآ .. احنا ممكن نبدأ مع الاسنان العاملة سواء في الطحن او التقطيع .. وهذي تنظيفها خارجي وما يأخذ وقت . بس البلاء في ( السن الخفي ) وهو اللي يجمع العوالق والمخلفات ويسبب النتانة والريحة الكريهة في الفم حتى الله يكرمك تحسب ان ماسورة صرف صحي مفتوحة في فمك لو ما داومت على تنظيفة اول بأول .

_ حلو يا دكتور .. وبعد كذا خلاص ؟

* لا يا طيب .. كل هذا يهون .. بعد كذا يبقى " السوسة الكبرى " وهذي الله يجيرك منها .. تراها من النوع اللي فيه ومهيب فيه !!

_ وشلون يعني فيه ولا هيب فيه ؟

* يعني في الظاهر ما هي موجودة واذا حطيت منظار لقيتها متغلغلة في كل شيء .

_ والحل يا دكتور مع " ام السوس " ؟

* شف يا حبيبي .. الآن الضرس الجديد المفروض انك تعتبره قدوة لبقية الاسنان خصوصآ انه نظيف وما بعد لحقه السوس , وعشان كذا زي ما قلت لك اول .. ابعد عنه الحلا واغراءات السكريات ولازم تجيب لك فرشاة اسنان اصلية وخيوط متينة وتبدأ تنظف اسنانك واحد واحد .. واهم شيء بين الاسنان والمناطق الخلفية ولا تخلي اللثة واللسان من التعقيم والتنظيف . اما السوسة الكبرى فيبغى لها خيط قوي ومتين تدخله بين الاسنان ويحشر السوسة ويلتف على رقبتها ويطلعها من مخابئها .

_ واللثة واللسان وش دورهم في نظافة الفم ورائحته ؟

* الله يهديك بس .. كل الروائح المنتنة من اللسان .. صح الناس ما تنطق وتسمع الاخرين الا من اللسان .. بس اذا كان اللسان مليان ميكروبات وفطريات ووسخ وقرف .. وش تتوقع تطلع ريحة فمك .. اسمعني زين .. اللسان الوسخ هذا يعتبر" جزيرة " الكلام الموبؤ و" رياض " القول المنتن .. فاما انك تنظف لسانك او تسكر فمك كله وتنسى الحكي .

_ ابشر يا دكتور .. اثر كل هذا عشان الضرس الجديد ؟

* هذا اذا تبيه يشتغل معك صح ولا يسبب لك معاناة ومآسي ثم تجيني وتقول اخلعه .

_ لا ان شاء الله .. الله ينفع به .. آمين .

سلمان بن عبدالرحمن

كتبت هذا المقال بعد تنحية سلطان بن فهد وتفاءلت بوعي نواف بن فيصل كي يبدأ التطهير
وللأسف لم يفعل .. فأسقطه تقاعسه

يعطيك العافيه على الطرح الرائع كلام سليم 100%

بوه مثل يقول ( لا طاب ولا غدا الشر )

يعني راحت سوسه وجتنا سوسه والله يعين من السوسه اللي في الطريق

اتمنى ترشيح شخص رجل مواطن سعودي مايكون أمير من الأمراء
لاننا تعبنا وملينا وانغثينا من اللي قاعدين نشوفه من تردي نتائج ومستويات
وجهة نظري

بالتوفيق لنصصصررنا في كل مكان وفي كل زمان

الله يعطيك الف عافيه

فعلا أنت طبيب الكلمه والفكر الراقي وفيلسوف الطرح

لقد أستمتعت جدا في قراءة رآئعه الدكتور سلمان بن عبدالرحمن

لاعدمناك ولاعدمنا إبداعك

لاهنت يالغالي

من حفره لدحديره هذآ حال الاتحاد السعودي
وربي كلام كبير وفي محله ..
يعطيكك العآآفيهه
لاتحرمنآ جديدك

ااالف شكر لك يالغاالي

يعطيك الفين عاااافية
كلام سليم ورائع وتشبية في منتهى الابداع ،، مقال اثار اعجابي وبشدة

مشكور كل الشكر فكر جميل جدآ

يعطيك العافيه شكرا,.

مشكور اخوي ويعطيك العافيه

مشكوووووور والله يعطيك الف عافيه

المشاركة الأصلية كتبت بواسطة ضاري العنزي

يعطيك العافيه على الطرح الرائع كلام سليم 100%

بوه مثل يقول ( لا طاب ولا غدا الشر )

يعني راحت سوسه وجتنا سوسه والله يعين من السوسه اللي في الطريق

اتمنى ترشيح شخص رجل مواطن سعودي مايكون أمير من الأمراء
لاننا تعبنا وملينا وانغثينا من اللي قاعدين نشوفه من تردي نتائج ومستويات
وجهة نظري

بالتوفيق لنصصصررنا في كل مكان وفي كل زمان

يا مرحبا بضاري
انت شايف وشلون تطامرت السنافر وكلن يبغى يرشح نفسه لمنصب الرئاسة
اما مواطن والاندية فيها امراء فمعليش ما ينفع