تعبت أخربها عشان الجماهير

نالت اعجابي عساها ترقى لاعجابكم


الشاعر : ياسر التويجري

أظن تصفيق البنات بحراره
.................... جرعه أمل ولا تموت المشاهير



تعبت من صوت الصخب والاثاره
.................... وتعبت أخربها عشان الجماهير



الزهد بين الصومعه والمغاره
.................... احساس خلاني مع نفسي إصغير



التجربه ما تلغي الاستشاره
.................... والظاهرة من منتجات الاساطير



وأنا ظهرت بعالم اكبر صغاره
.................... الشاعر المداح .. والشاعر الزير



هذي محطاته وهذا مداره
.................... وهذي خطاوينا وهذي المشاوير



ما الله خلق إكفوفنا للطراره
.................... ولا خلق رجليننا للطوابير



حسب معايير الرقي والحضاره
.................... ممكن تكون امير لو مانت بـ امير



الهم واحساس الفشل والمراره
.................... خلاني اكتب شي عن ما كتب غير



الشعر لولا سطوته وأقتداره
.................... أنجلترا ما فاخرت في شكسبير



أبلغ من الهمسه صريح العباره
.................... واصدق من الدمعه صدوق المعاذير



الارض هذه يا قصور وحجارة
.................... سكانها أثنين غير العصافير



ومادام حنا أثنين ماهي شطارة
.................... الأولي يضحك ويهزأ بالاخير



والله يا لولا نفوسنا والنزارة
.................... إن كان حشناها قصور ودنانير



الوجه له عند الكريم إعتباره
.................... والقول عند الرجال المحاذير



حنا بشر لكن بدون استمارة
.................... عقولنا تشكي جفاف التفاكير



سوالف اللا صدق والمستعاره
.................... حسب قوانين السواليف تبذير

حنا بشر بدون استمارة
يعطيك العافية

ابداع
تقبل مروري خيووو قصيده رائعه من شاعر اروع
لاهنت ع النقل

الله يعطيك الف عافيه
أبيات روعه روعه
تسلملي يمينـك .

يسلمووووووووووو طرح رائع من شخص اروع

شرفتوني بمروركم

شكرا لك اخوي على نقل النص الجميل ولاهنت وبانتظار الاجمل ان شاء الله....

رووعه خيوووو سلمت اناملك يعطيك العاافيه يالغلا

صح لســــانك يالغالي

مشكوووووور والله يعطيك الف عافيه

كنت أنتظر من زمان لهذه الأبيات الجميلة أتمنى المزيد