الفراق اسدل ستار القرب والمسرح يدينه

بسم الله الرحمن الرحيم
السلام عليكم ورحمة الله وبركاته

الفراق اسدل ستار القرب والمسرح يدينه
والدموع ارواح لو طاحت لها قدر ومكانه..

خيم الليل وبقى للحزن دمعة بعينه
وانكسر قلبن يشوف فرقانا هدت كيانه..

انكتب في صدر جدران الزمان قصه حزينة
والوداع يمد كف فراق ويكسر عنانه..

كنت أشوف الوقت ينبت زعفرانه ياسمينه
صرت اشوف اليوم تذبل ياسمينه زعفرانه..

ينزف الخافق على ذكرى تربت في سنينه
كلما لدت عيونه شافها بصفحة زمانه..

لو خذاه الوقت وأشغال الزمن جابه حنينه
كيف مايذكر عيون ضمت الدنيا عشانه..

نبتعد والشوق يجمعنا ويعطينا يمينه
ونتفارق والغلا باقي ولا ينزح مكانه..

الفراق اسدل ستار القرب والمسرح يدينه
والدموع ارواح لو طاحت لها قدر ومكانه..

احسنت الانتقا اخى الفاضل العذذب





تحيتى

ابيات رغم انها اكتست حلة الحزن
العميق
لكنها بكل تأكيد جميله في سياقها وعذوبة
تناسقها
لاغرابة في ان يكون هذا الانتقاء من العذب
فانت لك اعذوبة
وطلة
تحمل كل معاني الابداااع
اخوك ـ ابويزيد