تركتني للغير .. بقلمي عايد السهلي العنزي

السلام عليكم ورحمة الله وبركاته ..

اسعد الله ايامكم بكل خير ي رب ..


اليوم حاب اقدم لكم قصيده جديده كتبتها قبل مده تحكي واقع { مر } عشته لسنين ..!؟




وبكل صراحه ماكان ودي انشرها .. لكن بقدمها حصريه لكم .. لاتنسوني من دعائكم .. "


تركتني للغير الله يسامحك
الوقت اخذك ومد قلبك لغيري
مادامها الفرقا تغير ملامحك
اليوم ابرضى دام هذا مصيري
غصب علي اكتبك بالشعر وامسحك
ياخطوتي للفرح والهام تفكيري
لاناظرت عينك عيوني تصافحك
وتاخذ تسولف لها باصدق تعابيري
واعرفك وافي لو كلامي يجرحك
تشيل جرحك وتقبل في معاذيري
واليوم حل الجفا ولااقدر المحك
ايه اقبليني كذا بشري وخيري
مسامحك والله تراني مسامحك
الوقت اخذك ومد قلبك لغيري


الشاعر/ عايد لهيلم العنزي

.


احساس مؤلم غلفتة حروفك


يسلمووو والله بعوضك خير

عليكم السلام ورحمه الله وبركاته
ومسائك وصباحك لك وللجميع
يارب لاهنت على الحصري والاهداء لنا
يعطيك العافيه اشكرك للطرح وعلى ماقدمته لنا من بوحك
الجميل عزيزي عايد لاتحرمنا جديدك وطلتك
والله يوفقك ونحن نقدر ظروفك فعلا الذي لم تتواجد معنا هنا
لاكن لك يوم بإذن ربي
الله يسعدك راق لي طرحك شكرا لك

شكرا لمروركم على موضوعي