يا معجبه...

يامعجبـه قفلـي وانسـي تليفـونـي
............................انـا علـى خوتـك ماعـاد يمدينـي


ان كان لك في الهوى شوط ماراثونـي
..........................لي في اوله خطـوه وحـده وتكفينـي


بيني وبينـه وكـان الله فـي عونـي
...........................مثـل مابيـن اليهـودي والفلسطينـي


سموه حرب او ضياع او فلم كرتونـي
..............................لا الـدم دمـي ولا السكيـن سكينـي


سهم تعدانـي وسهـم قصـر دونـي
............................ونـاس مياسيـري ونـاس ميامينـي


مثل ماعشتي بدوني عيشـي بدونـي
...........................ماكـل مـن راح للبحريـن بحرينـي


من كثر ماضاقت من احبابـي عيونـي
..........................ماعاد شفت الطريـق اللـي يودينـي


شريـت ببكـاي ضحكتهـم وبكونـي
.........................إلا احرقـوا دم قلبـي فـي شرايينـي


مروا علي مثـل الاشبـاح وتعدونـي.
......................لا ضيعوا عقلـي ولا غيـروا دينـي


صديت عنهم ورحت أمشي على هوني
.............................وأن جيـت أدورهـم الله لا يحييـنـي


من رخصهم لو من دموعي شحب لوني
..........................مع كل دمعه يطيح أثنين مـن عينـي


مما راق لي للشاعر فلاح القرقاح..