حنا سعوديين !

عاش الوطن ، عاش الملك ، عاش العلم
واللي يبا التخريب جعله ما يعيش

حنا سعوديين وأكتب ياقلم
ما نخلف البيعة ولا فينا غشيش

أحرار ما ناقع على غير القمم
وطيرٍ يفاخت سربنا منتوف ريش

ما للخيانة بيننا ماطى قدم
وعدونا من فعلنا قلبه خريش

شعبٍ تملكنا المبادئ والقيم
ولا احتضن تاريخنا ثورات عيش

ولا نعرَّب من حضارات العجم
شيٍ ينافي ديننا لو كان ويش

من يوم أخو نوره نوى الحكم ، وحكم
ساد التآخي من حقل لأبو عريش

أمن وأمان وصف واحد ملتحم
وداب الفتن ينداس لا جاله وشيش

حنا سعوديين وأكتب يا قلم ؟
صلفين راي ، وخيلنا ماهي كديش

سيوفنا وقت اللقا ما تنثلم !
وكفوفنا وقت الشقا تنعش نعيش !

وكان الشعوب تطيش لإسقاط الحكم
حنا عرب من دون حاكمنا نطيش !

الشعب ماهو جيش في عرف الأمم !
ولعيون أبو متعب يصير الشعب جيش

مبدعه حبيبتي طيف والله مبدعه اشكركي شعر والله نفتخر فيه ربي يسعدك يالغاليه

يسلمووو ربي يعطيك الف عافيه
ولنا الفخر بأننا سعوديين

يسلمووووو طيف

الله يخليه لنـآ أبوو متعب

صـح لسـآن كـآتبهـآ

وتسسسسلم يـد نـآقلتهـآ

يعطيك الف عـآفيه أخيتي طيووووفـه

تحيتي

ابيااااااااات رائعه
يعطيك العافيه يالغلا
على الاختيارالرائع

الشعب ماهو جيش في عرف الأمم !
ولعيون أبو متعب يصير الشعب جيش
الله الله الله قسما بالله العظيييم انها قصيده, من اجمل ما قرأت الف شكر لكي اختي طيف على الابداااع واصلي وعسى ربي يقوييك...