سمو انفسكم باانفسكم

بسم الله الرحمن الرحيم
السلام عليكم ورحمة الله وبركاته
احبائي وعشقي جمهور نادي النصر في كل انحاء الارض كيف تسمون انفسكم بالاوفياء وتؤثر فيكم خساره واحده
خسرنا بطوله صح واذافيهامل ندخل كاس خادم الحرمين بيبذلون جهدهم ان شاء الله بيزين الوضع
انا اتمنى نسيان الخسارة والرجوع الى الحقيقه في كثير يقول ماني بااعود لتشجييع النصر لماذا واصلا كيف تلقب تفسك بالوفي
مع تحياتي

نصرا انا نصرا انا والنصر يجري في دمي

يعطيك العافيه شكرا,.

احبائي وعشقي جمهور نادي النصر في كل انحاء الارض كيف تسمون انفسكم بالاوفياء وتؤثر فيكم خساره واحده

احب اذكرك ان هذي المره الخامسه وليست الاولى يطلعنا الهلال من كأس ولي العهد
اليوم اشباه رجال داخل الملعب
لاتهيئه نفسيه ولا فكر ولا اي شي وداخلين المباراه وكأنهم يقابلون برشلونه
وليس الهلال
حسبي الله على من كان السبب
اقسم بالله انا عن نفسي تعبت من الوعود الكذابه من ادارة الفشل

اللي ما يبي يشجع النصر
الباب يفوت جمل وما يشوف شر والقلب داعيله
معك يا نصر الى اخر مدى
أكثر من انتقد الادارة واللاعبين في هذا المنتدى انا
وقلتها مع بداية الموسم العمل كله خطاء
لاكن اما ان اترك تشجيع النصر علشان هزيمة
ما شجعته علشان فوز وبطوله عشقي للكيان
وش ذنب النصر اذا لاعبينا ما عندهم ثقة في أنفسهم
وش ذنب النصر أذا أدارة تخبطة في عملها
وش ذنب النصر أذا أعضاء شرفه المترززين لا يدعمونه الا بضجيجهم
وش ذنب النصر أذا الفرق المنافسة عندها رجال تدفع وتملك فكر
وش ذنب النصر أذا ابنائه تركوه ولم يساعدوه الكل يشترط
ولك الله يا نصر ولكم الله يا جمهور الوفاء
سوف تشرق الشمس من جديد في نادينا ولو بعد حين
لاكن مهما حدث معك يا نصر الى اخر مدى
وش ذنب النصر

نبقى اوقياء للنصر
حب النصر بقلوبنا ولا اتكلم عن الكل اتكلم عن من تأصل فيه حب النصر

انه حب فُطر عليه وكبر معه فلا تجمعنا بطوله او سنوات ..
حبه ابدي ووفاءنا دائما حتى الممات ..

واللي يقوول بترك الله معه فرق الدوري السعودي وش كثر
ف ليفكر كما يشاء ويختار الفريق المناسب والاقرب لقلبه ..

لايتوقف النصر على حب مجموعه ..

واليوم النصر لاعبينه ينقصهم الثقه والروح القتاليه ع الكرهـ
لو قارنا بالهلال

الهلال يمر بأسوا حالاته غيابات وعدم استقرار على مدرب وغيرهـ
ومع ذلك لعبوا بروح اساسها الحماس والثقه ولهدف معين
وبلذلك وصلوا بجدارهـ

احترامي لك

اذا انتم تقصدوني بكلامكم الله المستعان
انا كلامي واضح
قلت تعبت من الوعود الكذابه ماقلت بأترك النصر
مو انا اللي اجي بعد خمسة وعشرين سنه عشق لهذا الكيان واقول اترك النصر
الاغلبيه فرحانين بإدارة فيصل بن تركي وكأنه محقق البطولات
على ايش تفرحون اسألكم بالله يعني االوضع عاجبكم من بداية الدوري خسائر ومستوى سيء للغايه


ماراح اقول الا مثل ماقال الهريفي
> على فيصل بن تركي ان يحظ ماتبقى له ويرحل
واتمنى مايطلع واحد ويشكك في مصداقية الهريفي وينتقده

والله يأختي لن تضرني هزيمه أو مجموعه هزائم متتاليه
لكني أقف كثيرا عند ألاستهتار بالشعار العالمي فكلنا نحترق لاجله
فلا يرضينا ذلك الاستهتار بشعار النصر وتسجيل نتائج يحاسبنا عليها التاريخ

ولو كانت مجرد أخطاء لكنت أول المصفقين واأول المواسين لكن :
يتم الأستهتار وعدم إحترام الشعار هذا هو الغير مقبول أبدا لدينا جميعا