بخصوص إيقاف ابو عمر مباراتين وغرامه ماليه

بسم الله الرحمن الرحيم


صباح/مساء الخير على كل عاشق وعاشقه للعالمي



حبيت أعلق على إيقاف اللاعب الكبير / حسين عبدالغني مباراتين وغرامة مالية عشرة الأف ريال

أوكي حسين عبدالغني رش مويه على الاسطا ورمى قارورة مويه على الخيبري واخذ عقوبة

مادري وش يحسون فيه طيب احمد عطيف لما ضرب محمد السهلاوي كف تقنعوني انكم ماشفتوا اللقطه ولا حتى مقطع صغير للقطه

زي ماشفتوا حسين عبدالغني وهو يرش ويرمي القارورة في مقطع على قولتكم ...............؟

كل هذا كوووووم وضرب أحمد عطيف للمره الثانيه للاعب الخلوق ابراهيم غالب في ركبته متعمداً ولا يحصل

حتى على كرت أصفر وابراهيم لما لمس ركبة البرازيلي روجيريو أخذ كرت احمر ..........!

ليش ي المرداسي التناقض الكبير في الحالات وجميع الحالات متشابه ان ماكانت حالات لاعبي

نادي الشباب اقوى واشد من حالات لاعبي العالمي ياخي خاف الله أولاً وأخيراً وأعطي كل

ذي حقٍ حقه ياولد المرداسي

بس مانقول إلا حسبنا الله ونعم الوكيل فيك ي فهد المرداسي وجعلك تلقاها عاجلاً غير أجل

وبالنسبة للبرقان الملتحي المزعوم بأنه يطبق القانون على جميع الأنديه وجميعهم سواسيه على حد قوله

طيب تعرف رائد الشمري والا ماتعرفه ي البرقان يامن سلمت العدل لكي تعدل بين الناس .............!

رائد الشمري مااستلم رواتبه ومع ذلك تم تسجيل لاعبي نادي الشباب محترفين أجانب ولاعبين محليين ولعبوا في السوبر

ماسألت نفسك ي البرقان وش راح تسوي لما تقف أمام الخالق ............؟

طيب على قولتك بررت الموقف بأن رواتب اللاعب كانت لديك من يومين تقربباً قبل المباراة

طيب ليش مخلي رواتبه عندك هل جالس تشتغل فيهم بالبورصه مثلاً .............؟

والا وش سالفتك مع الشباب فيه شي بينكم وحنا ماندري عنه وجالس تضبط لهم الوضع ............؟

نحن كجمهور وعشاق وشعب نصراوي نُطالب من بقي فيه ذرة ذمه وضمير في فتح تحقيق مع عبدالله البرقان في هذه

القضيه وهي كيف يتم تسجيل لاعبين محترفين اجانب ومحليين لنادي الشباب ويوجد لاعب اسمه رائد الشمري لم يستلم

رواتبه لمدة شهرين ........

والدليل على كلامي تغريدة الاخ عبدالعزيز المريسل وهو مستعد لمن يُريد أن يواجهه ويسأله وعنده الدليل القاطع وهو حساب

اللاعب رائد الشمري الذي لم ينزل فيه ريال واحد من رواتبه المتأخره ومتأكد من كل كلمه قالها في تغريدته .....


أين انت يا إبن مساعد عن هذه المهازل وياليتك تفتح تحقيق مع من يدعي بأنه يحكم بالعدل بين الأنديه ......!

وهو ( عبدالله البرقان )


أسال الله أن يوفق العالمي في جميع البطولات في موسمنا هذا الدوري والكأسين والأسيويه والعالميه للمره الثانيه

السلام عليكم ورحمه الله وبركاته
اشكرك للطرح ولو نتحدث على الحكم
لن نخلص ابدا ,.
اتفق معاك بما ذكرته ولاكن احمد عطيف لما ضرب السهلاوي
تراه مجرد كف بسيط^.^
مايحتاج الى عقوبه ولو ان نفذت اللجنه اي ضرب لـ لاعب يعملها مع لاعب خصمه كان حدث جدال
السهلاوي اعطاه كف واهو بعد كلن اخذ حقه ^.^
لاكن اتفق معاك في باقي الامور التي تحدثت عنها
نحن في المملكه العربيه السعودية ومع دورينا نعاني الحكام
المحليين السعوديين فلابد نرا مثل الامور هاذي تعودنا وللاسف
لاحياة لمن تنادي وكان الله بالعون
لاعبنا حسين تلقى عقوبتة وجزائه اثبت الشي هاذا خبر ومصدر
لكل اتفق بذالك بان جزائه ايقاف وتغريم
نحن مع لاعبنا وسوف نبقى معه ومع ندينا ولاعبينا وجماهيرنا
الله يوفق نصرنا والقادم اجمل وان شاء الله مانشوف مثل هالامور
التافهة فضيحه يشاهدنا العالم ومعروف الدوري السعودي
وبكل بطولاته ان يحصل امور مثيرة للجدل ومشاكل
بالتوفيق للنصر

اخوي ضاري يجب ان نعي امر واحد ويكون لدينا قناعه تامه بان العالمي سيواجه حرب ضروس على كافة الصعد وابتدت مؤشرات هذه الحرب منذ اعلان جدولة الدوري ثم توالت بعد ذالك باقي المؤشرات والقادم ادهي وامر !! لكن سنترك للاداره التعامل مع حدة المواقف ونحن كجمهور دعمنا الحقيقي سيكون من خلال الحضور الطاغي ورفع معنويات الفريق وبالله التوفيق !! اللهم من اراد نصرنا بسوء وظلم اللهم فاجعل تدبيره يرتد عليه // ضامي بطوله

طوووووووووول موسم سوف يكون هنالك حرب عل نصررررررررررر ليس وحده بل جميع لافرق ما عادا الهلال

حسبي الله ونعم الوكويل

مايهمنا المستطيل الاخضر فقط ان اجدنا فيه فلن تسمع شيئاً مما سبق . وان فشلنا فالقادم اكثر واكثر .

والموسم الماضي خير دليل تركنا لغيرنا الكلام واخذنا الكوؤس وسنكررها هذا الموسم باذن الله وبتظافر الجهود واقتناص الاخطاء وتصحيح بعضها

شاكر لك تحياتي

العالمى مازال يحارب من الخبثاء
ولكن عزيمتهم واعتمادهم على الله فوق الكل

لاهنت

المرداسي

الله يجعلها يشوفها في اعز إنسان عنده

ياااويله من الظلم

ياااويله من ربه

وقسم بالله ماينفعه ابن مساعد ولا اخوه اذا هلت الدعاوي عليه من ناس مظلومه