مامن جديد .. الا العتـب والمشاريـه

مامن جديد .. الا العتـب والمشاريـه
هــذي علـومـي .. يـامـدوّر عـلـومـي
بحـر الغـرام : أوّدعـك عـنـد شاطـيـه
وأستسمحـك .. يانـور ليلـي ويومـي
يوم إن حبك ماش لـي قسمـة ٍ فيـه
نهيـت قلبـي عنـه , وأبعـدت حومـي
يمـرنـي صـوتـك .. وأنــا أقــول لـبـيـه
حييـت .. يـاصـوت ٍ تـبـدد همـومـي !
لكن مدريْ اللي حصل ويش أسميه
وحتى سلومك , ما توافـق سلومـي
طال الطريـق : ومـتّ مـا جيـت تاليـه
وثقلت خطى رجلي , وكلّت عزومي
لابد مـا أنسـى الـود وأنسـى لياليـه
ويانفس عن شي ٍ تعـدّاك : شومـي
وإن مرّت الذكرى ب/ جرحي وغاليـه
حـرام , عينـي مـا تهنّـى ب/ نـومـي
أبتركـك .. وأقفـي ب, قلبـي وأعزيـه
لـو غيبتـك .. تغـيـب معـهـا نجـومـي
ما كـن ضاقـت بـي .. فجـوج وتهاتيـه
وأنا الحقيقه : ضايقة بـي هدومـي!!




نــــادوا سـمـيّــك وارتـبـكــت وتـغــيّــرت
كـــذا ! ولا ادري وقـتـهـا ويـــش جـانــي
سكّـت / حتـى اتصـدّق انـي تباشـرت !
كنت احسب انك جيت يمّي .. عشانـي
وانــا مــن المـوقـف ضـحـكـت وتـكــدّرت
وبـشـايــري مـــــرت مـــــرور الـثــوانــي
مــع السـوالـف يـــوم طـــروّك سـافــرت
سـافـرت لــك وانـــا مـكـانـي / مـكـانـي
قـصّـيــت لـلـضـيـق الـتـذاكــر وغــــادرت
وقـدّمــت شـكــري لـلـقــدر وامـتـنـانـي
أثـر الفـراق اصـعـب مــن الـلـي تـصـوّرت
بـــدت جـيـوشـه تـسـتـحـل الـمـحـانـي
آمالـي ان عـاشـت كــذا مالـهـا كــرت !!
طـاحـت مــن عـيـون الـبـحـور الـمـوانـي
مانـي ب( قايـل ) ليـه فالوصـل قصّـرت !
ولـيـه انـــت متـقـلّـب وهـــادم وبـانــي !
اقـول لـك يـوم انــك ل( صــدك ) اخـتـرت
نـسـيـتـنـي .. والا نـســانــي زمــانـــي
في سكتك واقف .. وفي سيري احترت
قـلـي / تــرى مـاعـاد لــي عـمـر ثـانــي
تـــراي فـــي قـيــود الـرجــاء مـاتـحـررت
علّـقـت فـــي ذمـتــك .. كـــل الامـانــي




مدري وش اقول لكن ( جعلها خيره ) !
لو ان بعض السوالف .. مالها داعي
ان جت لـ/ طاري المعاتب فضّها سيره
من كف غيرك / ترى ما برّيت اوجاعي
لا تكمّل اللي بقى .. وتزوّد الحيره
بعد غيوم الصبر شحّت على قاعي
همّك لحاله ؟ بنى له في الحشاء ديره
وانا يالـ.. لله افلّ لـ/ همّي شراعي
ضايق .. وثوبي عليّ أفك أزاريره
وكل الحسايف .. معي جملة وقطّاعي
خطاً .. ما يستاهل اندوّر معاذيره !
لا أقنعك فيه وبلاش تحاول اقناعي
ان كانك لـ..غيبتك , قصيت تأشيره
الالتفاته وراء .. ما هي من آطباعي
لك مني آحفظ لـ/ ذاك الوقت تقديره
وآسامحك من دهر عمري لـ.. مرباعي
لو تعرف : الود , والتقدير , والغيره
ما رحت ترقد وغيرك ساهر ٍ واعي !




ليتك قبل لا انتفارق / طحت من عيني
.....................عشان لامن نسيت .. انساك بالمرّه
لكنك اقرب لـ ( دمي ) من شراييني
.....................وغلاك له في ضلوعي كرّه وفرّه
اصارحك .. لان مايعنيك يعنيني
.....................واعاتبك .. وانت لعيون الغلا قرّه
خابرك مهما افترقنا ما انت ناسيني
.....................وانا اتذكرك فاللحظه 100 مرّه
اسمك لحاله عن اللي جاي مغنيني
.....................منقوش فالقلب نقش ٍ في صفا الحرّه
الله يسامح خطاك ولايخليني
.....................ان كان الاحساس ماعندك منه ذرّه !
وشلون ياللي مصافيني / تجافيني
.....................عزالله ان الليال السود مفترّه
لكن وش اقول والا ويش في يديني
.....................مدام عهد المواليف انكشف سرّه
من ضيقة الصدر فيني ما يكفيني
.....................تعيّن ! زرار ثوبي يالله ازرّه
ان كان ماجيتني يابهجة سنيني
.....................غديت مثل الشهيد محمد الدرّه
ما أظن تبقى عناويني عناويني
.....................يموت فيّ الغرام بـ ( خيره وشرّه )
مجبور في واقع ٍ ماهوب مرضيني
.....................هذا مصير ٍ عليه النفس مضطرّه
خذ همي وشوقي وجرحي وسكيني
.....................لـ ( عالم ٍ ) ينتظرك .. ودربك يمرّه
شف عاد قلب ٍ قسمته بينك وبيني
.....................عانه تقفّاك .. واقتصّك على الجرّه
الله يوفقك .. والله لايعنيّني
.....................الحب .. ماعاد ابي بحره ولا برّه





لا تلتفـت يمـي .. ولا تحتريـنـي !
انـا / هنـا وقفـت ركابـي وريّحـت
للماضـي اللـي كـان بينـك وبينـي
رفعـت يمنـاي الكريمـه .. ولوّحـت
ماني علـى كيفـك .. مثـل ماتبينـي
حتى ولو انـي صفحـت وتسامحـت !
اعلّمك .. وانت اعلـم النـاس فينـي
آمسيت من ليلة طعونـك ولا اصبحـت
من كثـر صدماتـي ونكسـة سنينـي
هللت .. واستغفـرت لله .. وسبّحـت
ياما ويامـا .. شلتـك ب( راحتينـي )
وياما على ضلـوع الحنايـا تمرجحـت
كل العلـوم اللـي ماابيهـا .. تجينـي
واقول ( مع نفسك ياليتك تصالحت ) !
امد لك .. عـن كـل طيحـه / يمينـي
لا تحسبني .. فـي مطيحـك تفرّحـت
ذنبي : نحّت اسمـك .. بعـد والدينـي
ولو ينمحا المكتوب .. ما ينمحا النحـت
لكن قدر .. مكتوب لـي فـي جبينـي
واليوم عن دربك / بدربي تسمّحـت !
وان قادني ل.. أغلا الاماكـن حنينـي
ابذكر انك .. مـن مكانـك تزحزحـت
ياطير ما انت بوسط صـدري سجينـي
اكفخ .. وقابلك الفضا وين مـا رحـت
شمع المحبه .. كـان اصابـع يدينـي
يا كثر ما ضوّيت لأجلـك .. وسرّحـت
ل.. اقرب قريب ٍ لي .. ما ابيّح كنينـي
واعلمّك .. يوم اني ل.. شخصك ارتحت
حطّيتك ب.. عيني .. وغمّضت عينـي
وياليتني : غمّضت عيني مـا فتّحـت !
وفتحت عينـي ودي اشـوف وينـي ؟
ومْع الاسف ومْع الاسف منّهـا طحـت




حيل الله اقوى مابقى في يدي شيّ
مافيه حل ٍ في يديني (ذخرته )
حاولت .. لكن المحاصيل هيّ هيّ
الطير طار ولا بقى الا (شجرته )
وقفّت اشوف شويّ واغمّض شويّ
واللي( انكسر) في خاطري ماجبرته
لين الحقت شمسي على بارد الفيّ
وشفت ان كل اللي جمعته (خسرته)
من كثر ماعزيت ريقي عن الميّ
ملّ الصبر من كثر صبر ٍ (صبرته )
كم هقوة ٍ ضاعت على سكة الغيّ
وكم حلم فـ( تراب ) الحقيقه قبرته
واقف .. وطعنات الزمن كلها فيّ
وساقي لو انه كلّ مني ( كسرته)
بعد ماعاش اليأس في احساسي الحيّ
اخوي .. لو هو صد عني (عذرته)
مدري عن اللي كنت احسبه بقى ليّ
اللي حزمت ابه (الضلوع) وذكرته
اللي طوى حالي بحكم الهوى طيّ
قصّر .. وانا كل الطريق (اختصرته)
ماهو خطاء لاقلت ( تامر على شيّ )
الا الخطاء .. لا (اشتقت) له و(انتظرته)

مشكووووووره والله يعطيك الف عافيه

يعطيك العافيه طبعو

ياسلام على كيف الشعر الرائع

الله الله الله على الابداع والانتقاءات الرائعه, كلما قلت القصيده ذي احسن وحده جات اللي تحتها احسن الف شكر لك على الذوق الرائع ولاهنتي...
موضوع يستحق التقييم...

يسلموووووعلى مروركم العطر
لاخلاولاعدم