معاناة بنت شينه+16

بجد دمها خفيف هالبنت وكلامها يموت من الضحك وتحسه منطقي

بصراحه في موضوع يقرقع في قلبي وأبي أسدحه فيذا..
أولاً أبي أقولكم بعض المعلومات عني .. أنا بنت دبدوبه.. لوني أشهب.. شعري يويبس شوي بس مع الزيوت والحنا كنه صار نويعم .. قالت لي حصه بنت خالتي جوزا أفرده.. بس بصراحه خفت يأثر الفرد على شعري همن يطيح<<<< مهيب عاقلة
مالكم بالطويلة..
الرجال الشين ياخذ وحده زينه عشان يحسن النسل (سبب منطقي)..
والبنت الشينه تاخذ رجال وسيم عشانها خاقه معه وتبي تتميلح وتشخص فيه قدام قريباتها وصديقاتها وعشان وقت شغل الليل تدخل معه جو وتنبسط أن هالزين فوقها.. وبعد عشان تحسن النسل .. دامها كاش وعارفه أن هالأطخم ما خذها إلا عشان فلوسها .. مافي مانع تشتري بفلوسها حتى الرجال هماها بتنبسط وتجيب منه عيال طخمانن عليه.. (أسباب منطقية يمكن يتفق معي بعض البنات فيها)
لكن اللي دابلن تسبدي الرجال الشين ليش ياخذ حرمه شينه؟؟ والبنت الشينه ليش ترضى تاخذ واحدن شين؟؟ (ناقصين عاهات حنا)
أنا ماقهرني إلا أبوي الأشهب يومه ياخذ أمي وجابوني أنا وخواتي الساحرات.. (ليتهم بس رقدو) يعني لو بينهم قصة حب يمكن أعذرهم لأن الحب أعمى.. بس ولو حتى لو صار الحب أعمى.. ماش.. وجيههم مافيها ذرة ملح ..
بعدين انت هيه يبه تعال.. الحين من زين خشتك يومك تروح تخطب وحده شينه مثلك؟؟ من اللي لاعبن عليك وقايلن لك أن امي زينه.. لا بعد دافعن فيها خمسين الف .. والله لو إني مكانك ما ادفع فيها عشرة حتى مسيار ما اقبلها.. أصلاً وش معجلك على العرس توك بزر يوم تعرس مابعد وصلت 20 سنه.. يلعن ام الخرمه اللي عندك ياشيخ<<<<<<<<..
لابعد مكثرنا الله لا يكثرنا أربعة بنات انا اكبرهم وستت عيال هذا غير اللي ماتو وهم صغار واللي سقطتهم أمي <<<<<<<< حشى جيزاني الأخ؟؟
ياخي وشذا النفس اللي تجيك عشان كل يوم تفلها مع أمي وتسطر هالعاهات .. من اللي ناصبن عليك وقايل لك ترا خلفتك زينه وبيمشي سوقها لا كبروا<<<<<<< حسبي الله ونعم الوكيل.
هههههههههههه أنا ما ضحكت ألا على ابوي وخواتي وحنا نمشي بالسيارة..
واقفين عند إشارة وجا جنبنا شباب.. وهـ بس ياخذون العقل والقلب بعد.. كانت سيارتنا مضللة وكنا جالسين كلنا الأربع ورا وطاقين البراقع وكانت أختي منزلة القزازة.. طبعا العيون مهيب زينه بس كان المكان ظلام شوي وأظن هالولد يحسب انه طاح على شي يستاهل وجلس يطرد ورانا يطرد ورانا.. ابوي في البداية ماحس بشي.. وخواتي مبسوطات ان فيه أحد يطرد ورانا<<<<<< عايشين الدور مساكين .. مصدقين أعمارهم.. ويوم ابوي لاحظ ان هالسيارة تطرد ورانا.. وقفنا عند اشارة وجلس يتكلم عليهم.. وهم يقولون لا والله ياخال ماطردناك تراك غلطان الله يهديك..
سؤال أوجهه لأبوي ... أنت مصدق ان أحد يبغا يشوف انتاجك ويتعرف عليه؟؟؟ ياخي قسم بالله انك ماخذ مقلب في نفسك .. ماخربك ألا أمي .. لا بعد يقول لنا تستروا .. مادرى اننا لو نطلع في الشارع مفاصيخ تفلو علينا العالم .. لا وجيهن تفتح النفس ولا اجسامن زينه.. والله ان الشباب ماراح يعرفون غض البصر الا اذا شافو بناتك..
وأنتي هيه يمه.. يختي ما تعرفين تقولين لا أبد .. لذا الدرجه عاجبتس خشة ابوي وخاقه معه.. يوم انكم تصكون على نفسكم الغرفه وتجلسون بالساعة والساعتين فيها .. لاهوب وقت نوم عشان أعذركم وأقول انكم نايمين .. يختي الشباب التوالي ماسوو سواتكم.. .. وشذا الجسارة اللي عندتس ياشيخه؟؟
بعدين يمه.. يوم جبتيني على وجه الدنيا وطلعت شينه وأشبه اخوك سعد أبو ثلاث ألوان .... بالله قد شفتو رجال ثلاث ألوان ؟؟ وجهه لون.. ويديه لون غير وجسمه لون ثاني .. تقولون كنه كابرس ابو جيراننا موديل 92 اللي فوق لون واللي تحت لون ومن داخل عنابي محروق <<<< عايله متأصل فيها القبح.. الظاهر ان الله غضبانن علينا ..
سؤال أوجهه لأمي .. ماطرا على بالك ان خلفتك بتصير مثلك انتي وأبوي كلها عاهات.. بعدين فيه اختراع اسمه حبوب منع الحمل.. وشذا الرحم اللي مايتعب ابد؟؟
قسم بالله يابنات أن اللي يشوف خالي سعد ويشوفني يقول كني خالي سعد بس متبودر..
جتني حالة نفسية.. عمري صك الـ 30 وأنا مابعد أعرست وكل اللي تقدموا لي أشين مني ... مابي أعرس على واحدن شين عشان ما أجيب عيال شيون ويصيرون الضحية.. مابي أكرر غلطة أمي وأبوي مابي..
لا بعد من زين الطبايع.. البنات الشيون يعيبون على فلانه وفلانه والفنانة الفلانية والممثلة الفلانية.. ويلومون رجالهم لا قامو يطالعونهم..
قسمن بالله أني إذا شفت مريام فارس وألا منى أمرشا اخق عليهم .. هذا وانا بنت ... ., أشباهن تفتح النفس وأجسامن تاخذ العقل.
وبناتنا هالشيون يعذربون فيهم يامرتن يقولون مكياج ومرتن يقولون شد وشفط وعمليات تجميل .. كنهم الحين مايحطون مكياج .. واذا على عمليات التجميل والله ودكم بس ياحسرة من وين تجيبون الدراهم عشان يسوون لكم اعادة تصنيع..
الوحده منهم إذا جتها الدورة طقطق وجهها من الحبوب.. تقول كن فيه دق جدري.... والنفسية خايسه بدورة والا بدون دورة... والجسم رطرط..
آآآآآه بس ليت ربي ماخلقني بنت..
وبعض البنات عليهم تفكير مدري وش يبي .. إذا تقدم لها واحدن أطخم ويكسر رقاب خلق الله قبل لاتنكسر رقبتها يوم تطل عليه تشوفه.. همن تقول لا ما أبي آخذه عشان ماينحرق قلبي من الغيره عليه إذا شافوه البنات معي.. كنها الحين ضامنه أنها لاخذت واحدن شين مايصير يبصبص ويقز.. الرجال لو كان شين والله لو بغى يلعب بذيله بيلعب .. والله مايرده شي .. وأصلاً أصلاً حتى لو البنت خذت واحدن شين وخانها .. هي بيحترق قلبها من الغيرة والقهر .. موب عشانها تحبه .. لا عشان هو فضل بنت غيرها عليها .. وتحس أنها ماملت عينه وتهتز ثقتها في نفسها <<< هذا اذا كان عندها ثقة أصلاً.. (يعني الغيرة فيتس فيتس.. خذيتي زين والا شين)
واللي قاهرني بعد.. بعض هالمصاريا... تاخذون شيون ليش ؟؟ الحريم عندكم مايتغطون يعني بتشوفها قبل لاتخطط عليها وتخطبها..
زي مرة انا كنت رايحه لهايبر بنده وأشوف هالمصري ويا حرمته كلهم شيون بس كن الحرمه اشين منه شوي.. أبد تقولون عبدالعزيز الدغيثر عضو شرف نادي النصر بس متحجب .. حتى عيالهم ماخذين أشباهها.. يعني ياحسني لو أنها كاش كان قلت يالله ماعليه .. بس من شفت الشبشب النايلو اللي لابستها وانا غاسلتن يدي..
نعنبو بليسك وين عيونك فيه يوم انك تعرس عليها.
بعض البنات حتى في الخقه مايعرفون يخقون ... بالله فيه أحد يخق على مهند هالاصفر ابو شعر أشقر ..؟؟ مايخق عليه الا العجز عشان بس يقهرون رجالهم اذا ماجابو لهم شي والا اذا ماسافروا بهم..
لو لون شعره الاشقر .. اسود كان قلت مايخالف .. مدري ليش إذا شفته اتذكر شعر الأبط وريحته .. مدري ليش اذا شفته يذكرني بريحة الصنان.. لأن الشعر اللي يجي في مكان مسكر مثل الابط عادتن يكون لونه كذا مايل للأشقر.. يعععععععععععععععع
والا ذاك البزر المصري تامر حسني.. أصلا يكفي ان اسمه يسد النفس هو ويا حواجبه المتلاصقة كنه بدر اللي في افتح ياسمسم.. انا غاسلتن يدي منه من زمان بس يوم شفته يصيح عقب مظاهرات مصر .. ماغسلت يدي وبس الا قطعتها.. من جدكم يابنات تخقون على دوافير خييييييييييير وش تحسون فيه؟؟؟؟؟

اللي ابي اقوله رجاءا يابنات ويا شباب.. الشينه لاتاخذ الا زين والشين لا ياخذ الا زينه ووووبس

لا تنسوا التقييم بس البنات لا يقيمون يفكونا من شرهم بس

افى وين الردود

قصه فاااااااااااااشله

ما عليك زود
ههههههههههههههههه