غاب القمر وغابت نجوم دنياي

غاب القمر وغابت نجوم دنياي

من يوم غبت انت يا نظر عيني

يا عزوتي وعقبك من يقبل عزاي

عقبك أنا ماتت فرحة سنيني

عيبي أنا يابوي ماني بناسيك

أبذكرك وأبكيك لو بعد حيني

فرعك أنا يابوي وأنت لي الماي

بجودك وعطفك كنت تسقيني

يابوي الغالي يانور عيناي

يرحمك ربي ومن الصبر يعطيني

ثلاث اسابيع مر(ن)وخافــق القلـب يبكيك
ثلاث اسابيع مر(ن) وداخل العين روياك


ثلاث اسابيع طــاف(ن) والـكـل يــلـعـيــك
نـــاسك وأهـلك وحتى الـجـار يبكــاك

وأخــوك مـن الحـزن جـاور أراضيك
مــاتحمل ايعيش فــي المـنـطقه ابـلاك


والــمطر لامــن نزل قــام يـطـريـــك
ويـــقول ويــن اللــي يحبــك ويهـواك

وحتى الثرى يا بوي حـن لخطاويـك
وقــال مات اللي يــدوسك ويــوطاك


والفطيم وهو الفطيم صـار يــرغيـك
ويــقول راح اللي يشـوفك ويــرعاك

يــا ليت المــوت يـــا بـوي يخـطـيـك
ويــاخذ روحي قبل لا عـيش فرقـاك


يــاليت الـنفــس يــا بــوي تــفـديـــك
ولا عـيــــش يــــوم وفيــه مــلـقــاك

نـــذر عــلــي يـــابـوي لـــو فـــيــك
وعهد(ن) علي لو الــموت منساك


حـــكم الـقـــدر يـا خـذك عند باريك
وتـتـــرك يتــم(ن) حــن لــــدفــاك

يــا بـوي احـبـك وللـمـوت ابـــكيك
و اطــلب من الله يغفـر لك اخـطاك


ومن نهر الكوثرعسى ربي يرويك
ويعل الجنه يا بـوي دارك ومـثواك

ومن حليه الرحـمـن يابوي يكسيـك
وتعيش مخـلـد ومع الحـور سـكناك


ومن نـار جهنم عسى الرب ينجيك
ويجمعني ربي بك وعلى الخير القاك

الله ابيااات رائعه
الله يرحم والدك ووالدي ويرحم امواااات المسلمين ويسكنهم فسيح جناته اللهم امييين
ذكرتيني باابوي ..الله يرحمه
الله يعطيك العااافيه ..وجعل ايدينك ماتمسها النار يالغلا

قصيده جدا رائعه يسلمو وننتظر جديدك

الله يرحم والدك وجميع موتى المسلمين
يعطيك الف عافيه يالغلا

الله يرحم موتانا وموتى المسلمين الف شكر لك اختتي على النص وان شاء الله اخر الاحزان....

كلمات رائعه ومعبره .. الله يعطيك العافيه .. وننتظر جديدك ..

جزآكمـ آلله خيــر .. ومشكورين ع آلمــرور الرآئع .. والله يرحمـ موتانـآ وموتآكمـ وموتآ المسلميـن أجمعيـن ..

صح لساانك اكبر فخر

قصيده جميله وناطقه

الله يرحمه ويغفر له