دمعة حزن ... رحمك الله ياأبامتعب .. !!

أبيات لاتتجاوز مجرد شعور أكثر من أن تكون شعر
لأن المصاب الجلل يفوق الإحتمال
رحمك الله ياأبامتعب .. !!

يا رب رحمتك يا محيي العظـام الرميـم=انـت الالـه العظيـم ولاالـهٍ سـواك
العبد في دبرّتك يارب زمـزم والحطيـم=رحمّتّك يارب عبدك داخـلٍ في حمـاك
أنت الرجاء و الأمل يارب وأنت العليم=ياملهم الصبر للإنسـان حكمـة قضـاك
مرحوم يامن سبق بالرأي عمـره حكيـم= الله على نيتك يعطيك لامـن عطـاك
ماقد لحقت البنـادم بالخطــأ مستقيـم=تمشي على ماومرك الله وترجي جزاك
ماينفقد غيـر صقرٍ بيـن شعبه عديـم=تواضع وليـن جانـب .. فالشدايـد هـلاك
من نشأتك بين شعبك ماذكر لـك غريـم=ماقد ذكر لك غريمٍ من خطاء قـد شكـاك
وعلى كفوف القدر والموت فرقٍ تضيـم=فالموقف المعتبر هز الجميـع أرتبـاك
جيتك وأنا ياوطن بحالة المستضيـم=بالغ أسايه وحزني والعـزاء فـي بقـاك
والموت خيم على أجواء الدار حزنٍ عظيم=متقاسمين المصاب وحزنهم فـي عـزاك
الله يحسن عزانـا بـه رجـال وحريـم=راجين لطف القضاء واللي نبي ماخفـاك
بقلوبنا المؤمنـه فـي حكـم ربٍ رحيـم=راضين حكم القدر متوسليـنٍ رجـاك
ياربنا أقبـل دعاتـي لـه بقلبٍ سليـم=وإنك تقبّل ملكنا عبـدك اللـي نصـاك
بدل له السيه بحسنه ياإلهٍ كريم=لاخاب طلاب وجهك ربنا لادعاك
مـن زمهريرا تجيـره جنتـك والنعيـم=رحمّتك ربي وعفوك مطمعي في رضـاك
دمعة حزن شفتها في عين طفـلٍ يتيـم=تصوّرت في وجيه الناس هـذا وذاك
تظمنت روح قبـرك والفـراق الخصيـم=دمعة فراقٍ تناشـت ليـن بلـت ثـراك
يارازق الارض من غيثك مزونٍ رديـم=من عقب ماهي دهر يروي ثراها سمـاك
سحابـةٍ مقبـلـه لاخايلـوهـا عتـيـم=من مطلع الشمس تمطر لين حتى مسـاك
غرٍ تسابق على قبره رشاشـه مديـم=تغسل ذنوب ابو متعب فـي مقامـه بمـاك

سعد المسعودي

الله يرحمه رحمه واسعه

ويجبر قلوبنا وكسرنا على فراقه


وصح لسانك يالعالمى

الله يرحمة ويغفر له ويسكنة فسيح جناته
اللهم اغسلة بالماء والثلج والبرد
وارزقة الجنة مع الانبياء والصديقيين
اللهم كن عون ومعين للملك سلمان بن عبدالعزيز
تعازينا للمملكة العربية السعودية الشقيقة
حكومة وشعب ونسأل الله ان يحفظ المملكة وحكومتها وشعبها

انا لله وانا الية راجعون
ــــــــــــــــــــــــــــــ
صح لسانك استاذي الغالي
سعد المسعودي كفيت ووفيت

الله يرحمه يارب يغفر اليههه