صبر على غير غايه!!!

...منقول

تعبت من ممشا على غير مشهاي=وتعبت من صبرن على غير غايه
طاحت عزومي لين قلة نواياي=وابعدت من مبداي صوب النهايه
ما غير اهوجس واظرب الراي بالراي=واثر المغربل ما يخلصه رايه
الوقت ذا هو هو بطبعه وانا اياي=انا صدوق وذا زمان الدعايه
يالله تعاوني على كبر بلواي=ويالله تقديني طريق الهدايه
اشكي من الماضي وخوفي من الجاي=ولي في ملمات الليالي درايه
لو كنت اعرف دواي ما خفت من داي=اخير من طب الطبيب الوقايه
سبحان من يعرف مقاسيم دنياي=في صفحتن ما تنعرض للقرايه
الى غدا وقتي جزوعن من حكاي=ادوي بهاجوسي على كل مايه
والى كسرني هاجسي صوب مركاي=آيه جبرني نخوة دموعي آيه
وان شفت همي ما نقص من تشكواي=اخترت من نطح الهموم القفايه
وقتن غدا كنه عليٌ اكبر عداي=يفرح عليٌ مجمعين الوشايه
صادمت صكات الزمن باول صباي=وصادمت قد شيبي بوجه المرايه
لألين نبات الارض غارس ورواي=وشوك السلم ماخذ على اسمي وصايه
اعد غلطاتي واحسٌب خطاياي=لاني بمندلٌن ولاني بتايه
أيٌسٌ وتيبس عقب ما ايٌسٌ شفاياي=وامٌل وبعض امال قلبي غوايه
لا اشوم انا وجهي ولا امد يمناي=ثنتين تحسب للمذله بدايه
بلقٌي هموم الليالي مقفاي=لين اقلب اخر صفحتن للروايه
ارضا بمقسومي على طية رشاي=لا عاد لي شفٍ ولا لي هوايه
ما لي جدا الا ونة القلب ودعاي=وعناية الله ما وراها عنايه
بسكت وسري ساجنه في حناياي=إلين تروي مقبلات الحكايه.

مما راق لي...

يعطيك العافيه
ابيات رائعه
تسلم اناملك على الطرح الجميل
لك ودي واحترامي

يعطيك العافيه على الطرح الرائع