قصتي مع المقالب بالجامعه شسممه هذا ايه اقروها كلبيتها

بــــســم الله الـــرحــمن الــرحــيم

ابي احكي لكم قصتي مع المقالب الخفيه ياليت تستفيدون وتصيرون ملكعين
ابي ابداء لكم يوم خشيت الجامعه تعرفت على طلاب كويسين وصرنا حبايب عاد تعرفت على ناس سلنتح ملاكيع
الله لايوريكم الواحد لسانه يطول اذانه مثلي . المهم بديت المقلبه انا بسرقه جوال خويي اسبوع كامل لما خليته
ينشف ريقه يوم طلع جوال ثاني قلت له تعال ابي اعشيك رحمته بصراحه . المهم قلت له مبرووك الجوال الجديد
وقمت اذكره بجواله القديم قال يالله يافيه ذكريات وصور الله لايوفق الي اخذه . وانط واقوله لاتسب على الرجال المهم
تعشينا ولفينا ويوم بغيت اوديه بيته عطيته هديه قلت ماتفتحها غير لما تكون بالبيت الرجال خق وقال شكرا لك
يوم دش البيت فتحها ولا هذا جواله وحاط معه دهن عود ابو عشر ريال مادريت غير وهو صافط عند البيت
يبي يذبحني من صدق حقد : المهم استسمحت منه واخذ جواله . وبعد اسبوع تقريبن طلعت معهم طلعه على طريق
المدينه قالو نبي نشويء انا استغربت نشوي بدون حاجه قالو الحين يجو الشباب قلت اوكي يوم قربو عند المزارع
جابو حبال وربطوني تربيط تربيط وبظلمه الله وكيلكم تعشوو وفلوها وبعدين رجعو لي حرام بالله بكيت لما صدع راسيء
شعب ناحت المهم سويت نفسيء زعلان قلت والله مالكم داعي الحين لو صار فيني شيء بعدين ماينفع الندم
من صدق وبعد اربع ايام تقريبن سحبت على الجامعه دقو علي قالو وينك قلت انا بكازنو <~ والله مااشيش نلعب بلايستيشن
المهمم قالو نبي نراضيك قلت خلاص ورحت لهم الجامعه اخذتهم فطروني ماقصرو ورحنا الكازنو يبون يراضوني
باي طريقه .. المهم طولنا لين الساعه 2 ونص .. قلت لهم ابي ارووح اجيب غدا قالو خلاص جيب وجيب كثرو علي المطاليب
المهم رحت الجامعي ولكم الله فقعت كفرهم بمسامير سيارتهم الاربع كفارات واجيك راجع عندهم تغدينا وعينا من الله خير
وروحنا قرب ماجي من الجامعه على اني اكلم واهاوش اقول ويش فيه اموون عليهم على ان اخووي مسوي مصيبه <~ ملكع
وانا معصب عليه المهم طشيتهم مشوار عن الجامعه خليهم يدقونها رجليه يوم وصلو الجامعه لقو السيارات مفقعه
انجلطو قالو الله يلعنك من جن والله يومها ماروحو غير واذا المغرب مذن شالو الكفر ورقعها حقدو حقد
قفلت الجوال وحتى جامعه ماصرت ارووح جاني واحد على البيت
وقال حركتك مالها داعي قلت دامكم قد المقالب لاتبكون المهم تدخلت حموم الانسان بسالفه وهدينا الوضع
وحلفنا مااحد يمقلب الثاني خلاص مانبي احد يزعل ,, فيه واحد من اخوياي منتهي على الاخير يوم اركب معه
وافك ادرج من زود حب الاستطلاع الا وهذي الشرطان الاغاني واشيلها والا مفتاح احتياطي لسيارة يالله
جابك الله ياحبيبي اليوم الثاني ماداومت الصبح وهو مداوم علمت واحد من اخوياي انا نبي نمقلبه فطس
ضحك وقال يلعن ابو شكلك ماتتوب انت المهم اخذني بسيارته خويي ويوم وصلنا الجامعه سرقت سيارة خويي
ووديتها مطس بعيد جواء البلد رجعت الجامعه وخشيت بنص المحاضرة المهم خلصنا وطلعت اسولف معه
قال نبي نفطر قلت قدام والله الفطور علي يوم وصل يدور سيارته بالمواقف مالقاها
يارب عفووك يقول انا موقفها هنا ياعيال وربي موقفها هنا انا بكل بروود اقوله امكن حطيتها بمكان ثاني
قال لا هنا انا متاكد وقفتها هنا المهم ركبنا وعلى انا ندور بالجامعه مالقيناها انا اوسوس برجال اقوله الله يعوضك بها رووحت
تلقى واحد مغترب يدرس بالجامعه يبي يروح لهله ولقى سيارتك وخق معها المهم تدرون 4 ساعات ندور عليها
انا احب افرفر مالقيناها هذا خويي فيه واحد من جماعته اظنه ياهو ضابط مدري ويش ابوه ارسله عليه
يوم وصلنا عند المرور ونبي نقدم بلاغ المهم نزلت معه صامل انا ونرووح نقدم بلاغ قدمنا وروحنا
قرب اذان العصر قلت طشوني ونا معلم عيال مكان السيارة اخذوة وطشوه عندها ياالله شكله كان يحزن
قال مين سرقها قال عبود ابو الليل قال وربي لااذبحه اليوم هذا .. المهم راح لضابط وقال لقيناها
قال وين لقيتوها قال تصدق الي قدم معي البلاغ هو الي سرقها قوة العين قال والله لاتجيبه لي قال لا هذا خوويي <<~ انجلط الضابط قال يلعن ام قوة العين
طلع ذيب قال امسحها بوجهي ولا كان منسجن يومها هذا الولد قطعت علاقتي معه لمده شهر انا اكلمه
بس مايعطيني وجه المهم تسامحنا ورجعنا لبعض وكلن عاش بسلام .. واخر المقلبه يوم الاحد الي فات
عندي محاضرة ثقافه اسلاميه الصبح سوينا هوايل الي يشوفنا يقول هذول مريضين عقلين
وانا اخذ جوال خويي واسجل صوتي واصارخ واضحك تسجيل واحطها نغمه لرقميء ويوم خشينا
المحاضرة والعالم مستكنه وادق عليه وتطلع صوت النغمه صريخ القاعه فطست ضحك خووي
انحرج احراج عمره مانحرج مثل ذا الاحراج طلعه الدكتور برا ويازين الضحك بصراحه خويي بطحني بطحه
ربي فكني منه ولا كان بياكلني مع السندووش وبس وخلصنا ..

سامحووني على الاطاله


مع تحياتي عبود ابو الليل

هههههههههه تبي الجد ونخوك المقالب اذا تجاوزت الحد تكون نتائجها في كثير من المرات امور موجعه فيه مقالب ظريفه وخفيفه لكن مقالبك صراحه وزن شاحنه لا وبعد محمله فوقها عشر سيارات لاندكروزر المهم تووب خخخخ

هههههههههههههههههههههههههههههه ههههههههههههههههههه والله لو اعملها الله اعلم شو رايح يصير ههههههههههههههههههههههههههههههه بس اتخيل موقف ععععععععععععععععععععع

هههههههههههههههههههههههههههههههههههههههههههههههههه

يارجال انا اخوياي وجعى ونستانس بالمقالب هوع
مشكوورين على المرور