من يحل مشكلتي

السلام عليكم ورحمة الله وبركاته


مبروك عليكم الشهر


عندي مشكله مع المودم حقي بين فتره وفتره الاقي الرقم السري حق المودم مفتوح في البدايه سالني احد الاخوان فيه احد غيرك يعرف الرقم السري قلت نعم جارنا اعطيته الرقم طلبه مني واستحيت ارده قال اجل جارك هو اللي فتحه غيرت الرقم السري مره ثانيه وكلمني الجار قال احاول ادخل النت بس ما يفتح قلت له انا غيرت الرقم السري لاني لقيت المودم حقي مفتوح وغير مشفر المهم عطيته الرقم الجديد بعد فتره رجعت نفس المشكله للمره الثالثه وزملائي يقولون ترى السبب هو جارك وانا والله ما اشك فيه وقلت لهم ما اتوقع هذا جار ومو من مصلحته يوزع الرقم السري

زبدة الموضوع واللي استغربت منه

في يوم من الايام اتصل فيني زميلي بالعمل سالني وينك قلت بالبيت قال بجيك قلت حياك ,جاني البيت ومعاه قريبه قلطتهم بالمجلس وجلسان نسولف وجاء زميلي فتح جواله جالكسي الجديد ويبحث بالنت وقريبه معاه جهاز(ايفون)قلت ليش عندي مودم اعطيكم الرقم السري تدخلون من عنده قال قريبه لحظه؟ انت عندك مودم قلت ايه قال ثواني وجلس يبحث بالايفون بعدها مد شاشة الايفون بوجهي قال هذا رقمك السري انا استغربت قلت ايه وضحكت قلت ما يحتاج اعطيك الرقم خلاص عرفته سالته وشلون قال عن طريق برنامج عندي بالجهاز


المطلوب

ابغى اعرف وين المشكله وكيف اشفر المودم حقي ثاني مره ولا ابن امه يقدر يفتحه؟

فزعتكم الله يجزاكم خير

الموودم حقكك موبايلي ولاstc؟؟؟

بندر وأنا أخوك لا تعطي احد الرقم السري حق المودم نصيحة
يدخل على مواقع ممنوعه او يتواصل مع مطلوب
والله مايعرفون الا أنت وجارك عجزان يقدم ويطلع مودم
نسوي الخير معك لاكن حنا في زمن الله يكفينا شره
أنا اعرف واحد جلس سنه مانعرف وينه ولا أهله
وكله بسبت واحد تواصل مع مطلوب خارج البلد لقافه منه
وراح فيها خوينا والحين حالته الله اعلم فيها من اللي شافه
انتبه وأنا أخوك واللي ما يستحي منك لا تستحي منه

سؤال مشرفتنا بنت النصر ضروري جاوب عليه وراح نلقى حل
تحياتي لك

اخوي بندر حتى لو اعطيته انت تقدر تسوي كل شي
يعني تقدر تفقل المودم وينطفى عنده
لاكن ياخوي ف برامج اقسم بالله تطلع
الارقام انتبه ياخوي
الحل
انك تشتري مودم جديد
وذاك تفتك منه
ولاعاد تعطي احد الارقام )) وش دخلك ياروحي خخخخ
او للاتصالات تشفر عندهم
للاسف ياخوي ماعاد فيه ثقه
ان شاء الله تنحل الازمه ذي

آييهه اخخويآ . أولأ :~
جيآنكمٍ أكيد أعطآهه آحد يعرفهه .
ثآنيآ .

ببرنآمج صآححبكٍ] .

هاذا اسسسسمهه ٍ. wirelesskeyview

يففككك الأرقققآم السسريهه غغصصبا عنككٍ .
يعني م تققددر . .

آنآ آخخويآ محملله .. وأششوفه تطلعع كل الارققامم السريهه .
الي ججمببنآ وكذآ .. ططببعآ . م تققدر تششفرهه هاذا برنآمجج .
فيي الاييفونن واللأب وكل الأججهزهه . وبالبيبي بعد . .

ي ليتت . تققول ليآ . ايشش موديمكك .
عشآن أنزل لكك شرح الشتفيير

يعطيك آلف عافيهه
نودآ

وعع ففكرهه wirelesskeyview
هاذا البرنآمجج له اصدآآرآتت كثثيرهه ..
وككل أصصدآر اطوور من ألثآننيي ..

أبححثث عنه بالنت وشوفف :$
نودآ

طريقة عمل رقم سري لمودم قو ، تشفير مودم قو

السلام عليكم ورحمة الله وبركاته

حبيت أسوي شرح مخصص من شرحي ,,

أولأ تدخل على الموقع ,, http://192.168.15.1/

و تدخل الرقم السري أذ كان جديد تكتب [ motorola ]
المهم اذ تريد تغيير رقمك السري علشان ما يجيك أحد المتطفلين و يلعب بالمودم و الاتصال وكذاالصوره الاولى /




الصورة الثانيه


الصورة الثالثه


بس للامانه منقول


اخوك عايد العنزي اتمنى اني فدتك

الله يعطيكم الف عافيه جميعاً ،،، مشهد يثلج الصدر هذا التعاون بينكم أيها الأوفياء
بالفعل المنتدى يفتخر بكم جميعاً ،،،

بالتوفيق أخوي بندر وإن شاء الله الأخوه والأخوات ماقصروا كفوا ووفوا

المشاركة الأصلية كتبت بواسطة بنت*النصر

الموودم حقكك موبايلي ولاstc؟؟؟

المودم حقي موبايلي

المشاركة الأصلية كتبت بواسطة جيفااارا النصر

بندر وأنا أخوك لا تعطي احد الرقم السري حق المودم نصيحة
يدخل على مواقع ممنوعه او يتواصل مع مطلوب
والله مايعرفون الا أنت وجارك عجزان يقدم ويطلع مودم
نسوي الخير معك لاكن حنا في زمن الله يكفينا شره
أنا اعرف واحد جلس سنه مانعرف وينه ولا أهله
وكله بسبت واحد تواصل مع مطلوب خارج البلد لقافه منه
وراح فيها خوينا والحين حالته الله اعلم فيها من اللي شافه
انتبه وأنا أخوك واللي ما يستحي منك لا تستحي منه

سؤال مشرفتنا بنت النصر ضروري جاوب عليه وراح نلقى حل
تحياتي لك

صدقت اخوي جيفارا النصر بس وش تسوي الا الاحراج ياخوي والله طبع تعودت عليه ما ارد احد وانا فوق كل هذا استحي ارد انسان يطلبني والمشكله اذا طحت لك بانسان وجه وسيع