يالله ياللي فاتح للخلق بابه

السلام عليكم ورحمة الله وبركاته

المشاااااركه هي للشاعر عبدالله الدشين يرحمه الله بعد ان ترك للسااااحة الشعبية كماً هائلاً من قصائد النصح والتوجيه وهذه
واحدة من قصائده ورائعة من فرائده:-



يالله ياللي فاتح للخلق بابه
............ انت ربي لا تصك الباب عني
يالمطوع دوك مردود الاجابه
............ شفت انا قيفان شعرك وعجبني
مرحبا بابيات شعرك مرحبابه
............ المثل صايب خذ التوقيع مني
ياشباباً بالهوى ضيع شبابه
............ كل عاقل قال ليتك منت مني
في مريض القلب ماتفيد الطبابه
............ منطبع فيه البلا من ضغرسني
ان رقد ما قام تقويمه طلابه
............ وان صحى في طاعة الباري يمني
عارفً طرق الصلاح من الخيابه
............ مير شيطانه بقلبه مستكني
كل ما سمع النداء بان البلا به
............ انهزم وانحش وهو مسلم وسني
عنده المذن مثل صوت الذيابه
............ ما يبا المذن ويطرب للمغني
يعرف الداشر بتطويله ثيابه
............ دايم شلان ثوبه يسحبني
ساقطاً عند البشر ما له مهابه
............ مثل وصف الجرب لازم يطردني
الصحيح اذا اختلط به واسفابه
............ لازمن بعد المخالط يجربني
والشفا با اليوم ما هوب متشابه
............ الديانه والطبايع يفرقني
فيهم اللي دوم يقرأ في كتابه
............ حافظ دينه وقلبه مطمئني
عز ابوه وعز لامه والقرابه
............ والمراجل ما تهيا بالتمني
وسلامتكم..

الف الف شكر لك اخوي فيصل على النص الطيب وعسى الله يكتب اجرك ولا تحرمنا من مواضيعك الشعريه الرااائعه....

مشاركه رائعه وقيمه
يعطيك الف عاافيه اخوي عالميع الاختيار
لاخلاولاعدم

جميل اشكرك اخوي يعافيك ربي
ع الابيات لاهنت

الله يرحـم شــآعرهـآ

تسلم يمناكـ ولآعدمنــآكـ اخووووي عالمي

لاتحرمنآ إختيــآركـ

دمت بخير..

سلمت خيييوعلى روووعة طرررحك
ابدعت في انتقاءئك
دمت ودام لنآ روووعة مواضيعك
ودي

أبياااات رآآآآئعه جدآآآ

يعطيييكـ مليووونين عااافيه