جماهير الشمس تخذل العالمي

صباح الورد...


صباح النور...


صباح لكل اعضاء منتديات جماهير الوفاء

بصراحه كنت متردد كثير بكلمتي هذي لعدة اعتبارات منها تثبيط عزيمة الجماهير او من يشكك في نصراويتي الا ان الاخير لا التفت له ولا افكر فيه نهائيا مهما تقول الناس عني يكفيني بس اني انسان( عالمي)

بصراحه انا اشوف الصحف الالكترونيه واخبار العالمي وردود بعض المشتركين والمنتديات التي تهتم بالعالمي الاحظ عليهم ان بطولة كاس الابطال في خزينة النصر خلونا نكون واقعييين ترى على فكرة القرعه والحمدلله خدمة النصر كثير في ظل مستويات العالمي الهزيله بالدوري وماشاهدناه بكاس ولي العهد يعني القرعه ابعدتنا عن اهم ثلاث فرق بالدوري هي الاتحاد والهلال والاهلي باستثناء الشباب بطل الدوري واللي بفوز النصر عليه اعطى الفريق ثقه بالنفس بس بشرط(مؤقته) اذا ما اللاعبين احترموا فريق الفتح

ليس حرام ان نتمنى للعالمي الفوز بلقب الدوري ولكن ايضا ليس حرام بان الفتح ان لا يتمنى الفوز بكاس الابطال والحال ينطبق على الهلال والاهلي

*الخوف وكل الخوف ياناس من اللعب المقفل لان يبقى الحل هو الحلول الفريده ومقارنة بلاعبين النصر لا يوجد من يعادل التون جوزيه بالالعاب الفرديه والخوف كل الخوف اذا فتحنا اللعب بالملعب يستغل هذا الصغير المكير الكبير بفنه اخطاء المحاور ( يعني اذا كان غالب بنفس فورمة الشباب راح تكون مصيبه)

اللي شاهد مباراة الاتفاق والفتح بالدمام راح يعرف قيمة اللاعب وكيف يقنص الفرصه من لاشئ

خطورة الفتح تكمن بهذا اللاعب التون جوزيه راح يشغل المحاور بحركاته الفنيه وهنا يفتح اللعب لبقية زملائه بالتحرك وخذ اماكن داخل ملعب النصر( ادري التون جوزيه ما راح يسوي شى الا بحاله واحده في غفله من المحاور عنه لكن الخطوره تجي من هم خلف التون جوزيه)

كلمه اخيره

اتمنى من جماهير الشمس ان تكون واقعيه اكثر من ماهي متفائله جدا لدرجة الثقه بالفوز مو على الفتح الا بالكأس لا تخذلون فريقكم بالمنتديات وبالصحفالالكترونيه ترى العالم تقرا وتشوف وتوصل اخباركم للاعبين وهم مبعدين عن الصحافه والاعلام وتشكل ظغط نفسي عليهم( خلوكم واقعيين)

خطورة الفتح تكمن بهذا اللاعب التون جوزيه راح يشغل المحاور بحركاته الفنيه وهنا يفتح اللعب لبقية زملائه بالتحرك

صدقت أخوي ولكن ما نفله هو ليس بأن العالمي
ضمن كأس الأبطال ولكننا ندعمه لكي لا يكون لديه عذر
عشنا طوال تلك السنين لم نجد يوم واحد النصراويين
بهذه العزيمه والإصرار والتحفيز وهذا ما نحتاجه حالياً
ودائماً


اما عن التون , فهو لاعب خطر جداً
ولكن ان شاء الله بأن الكتيبه النصراوية لن
تدعه يصول ويجول كما يريد , لأن العالمي
ليس ع مستواه المعتاد (ماشاء الله)


تقبل مروري يالغلا
وشاكر لك اخوي بندر ع كل ما تبذله

اذا ع الاعلام فهم توجوا النصر خلاص
لاكن الادارة والاعبين عارفين وقالو انها مجرد خطوة وتعديناها وباقي ماحققنا شي
عشان كذا اتمنى من بعض الجماهير ماينجرفون وراء الاعلام
اية نفرح ونتفائل بس بدون افراط
وبالنسبة لمباراة الفتح بصراحة فية بعض الجماهير خاااااايفين بزيادة من الفتح
وكاننا بنقابل برشلونة
مانختلف ان الفتح فريق مميز وعندة لاعبين مميزين
لاكن لازم نعرف ان نصرنا برضو عندة لاعبين نجوم وعندهم حماس انهم يقدمون شي للنادي والجمهور
وقابلنا الشباب (بطل الدوري ) وفزنا علية ذهاب واياب مستوى ونتيجة
لحد يحاول يقنعنا ان الفتح اقوى من الشباب !!
صحيح لابد نحترم الفتح ونعطية حقة كاااااامل
لاكن صدقوني متى مالعب النصر بنفس لعبة قدام الشباب
فراح نشوف نصرنا متقدم خطوة للبطولة
يعطيك العافية ع الطرح

مقال رائع وفي الصميم لا افراط ولا تفريط
تكمن خطورة الفتح بالاعب التون فقط وفي طموح لاعبيه
يجب على الجهاز الفني ان يجد الحل في وقفه
ويجب على الاعبين ان يسجلو اكثر من هدف في الرياض عشان
نرتاح يجب على الاعبين التركيز اولا وعدم التهاون في الفتح
لاني قاعده اشوف عندهم طموح الله يعطيك الف عافيه يالغالي
على كذا الكلام الجميل والواقعي لاعدمناك تقبل مروري

يعطيك العافيه اخوي بندر على الطرح

إن شاء الله ماراح يسوي شي التون في ظل وجود المحاور

وإن شاء الله الفوز يكون من نصيبنا يارب

بالتوفيق لنصصصري يارب ياكريم

مشكور اخوي بندر

كلام واقعي جدأ الفتح يلعب الكره الجمعيه الحديثه مع مدرب ذكي والاعب هو التون صانع لعب ومنفذ لكور ثابته بمثابت ضربات الجزاء

يعطيك العافيه اخوي بندر , صدقت ياغالي بالنسبه للأعلام يحاول تخدير لاعبي النصر,, وان شاءالله نجومنا بيلعبون بتركيز عالي واتمنى ان يلعبون كل مباراه على انها نهائي ,,يجب احترام كل الخصوم مهما كان ترتيبه او مستواه ,,
الفتح يمتاز بشي لايوجد بأي نادي الا وهو استقرار المدرب والجهاز الفني مما اعطاء للفريق روح الجماعيه والمنافسه في اي بطوله ,,
بالتوفيق لنصرنا والله الله بالحضور لمسانده نادينا ..
سلمت يداك .

الله يعطيك الف الف عافيه

أعتقد أن القرعه لم تخدم الفريق خصوصاً بوضعه مع بطل الدوري الشباب
والذي لم يهزم الا في مباراة واحده وفي كاس ولي العهد أمام الأهلي

بالنسبه للفتح فقد هزمنا قبل ذلك وهزم الأتفاق والذي هزمنا ذهاباً وإياباً وترتيب الفريق
خير دليل ،،،

نعم أخي أوافقك الرأي بأن الأعلام يصور للاعبين وللجماهير وكأن الكأس في خزائن العالمي
لكن لابد لنا من الدعم الكامل للفريق والمطالبه بإنقاذ الموسم وتحقيق بطوله كبرى أنتظرناها كثيراً
ونبذ الأنتقاد وتأجيله على الأقل بعد نهايه كأس الأبطال حتى لو حقق الفريق الكأس ،،

لاهنت يالغالي على المقال الجميل

هوو صصصصدق ان مو حرآآم يتمنى الهلآل الكأس او الفتح ..
بسس انتت قريت بموآقعهمم موضوع كذآ ..
انت اللحين يمكن انكك نزلت مستوى التفآئل عند بعض الاعضاءء ..
المفرووض قبل المبآريآت نبي موآضيع تحفيزيةة حتى ولو كآنت من المستحيل ..

اتمنى كل التوفيق للعآلمي ..

اممآ من نآآحيةة التون فلآ تسأل اهله بهه فكل نصصرآوي يعلمم مدى خطورة التون جوزيهه ..
وخآصصة بالكرآت الثآبته والكل يعلم ان التون سجل هدف على النصر كرة ثآبتهه


ملآحظه *
انآ اول وآحد غير مشكك في نصرآويتك لآ تآخذ على كلآمي ..
مجردد رأي ويعطيككك الفف عآأآإفيهه ..

اشكرك اخوي ع طرحك الرائع لاهنت واوافقك بكل كلمه
بالتوفيق للنصر الغالي